ನಗುವಿನ ಮಾಯೆ

ನಿನ್ನ ನಗುವೇ ಎಷ್ಟು  ಸುಂದರ 

ಮನಸನ್ನೆ ನೋಯಿಸಿದರು ನೀ ನಗುವೇ 

ಪ್ರೀತಿಯ ಮಳೆ ಸುರಿಸಿದರು ನೀ ನಗುವೇ 

ಏನಿದು ನಿನ್ನ ನಗುವಿನ ಮಾಯೆ..???? 

ನಿನ್ನ ತುಟಿಯಂಚಲ್ಲಿ ಒಂದು ಕಿರುನಗೆಯ 

ನಾ ಕಂಡರೆ ಸಾಕು ನನ್ನ ಮನಸು ನಲಿಯುವುದು 

ಅದರಲ್ಲಿಯ ನೋವು ಮರೆಮಾಚುವುದು 

ಏನಿದು ನಿನ್ನ ನಗುವಿನ ಮಾಯೆ..???? 

ಅರಳುತಿರುವ ಹೂವಲ್ಲಿ ಹರಿಯುತಿರುವ ನೀರಲ್ಲಿ 

ನಾ ಕಾಣಲು ಪರಿತಪಿಸುವೆ ಆ ನಿನ್ನ ನಗುವ 

ಕನಸಲ್ಲೂ ಕಾಡುತಿದೆ ಆ ಮುದ್ದಾದ ನಗು 

ಏನಿದು ನಿನ್ನ ನಗುವಿನ ಮಾಯೆ...????

ಇರುಳ ಚಂದ್ರನಲ್ಲೂ  ಕಾಣುತಿದೆ ನಿನ್ನ ಮೊಗವು 

ಆ ಚಂದ್ರನಿಗೂ ಸಾಟಿಯಾಗುತ್ತಿಲ್ಲ ನಿನ್ನ ನಗುವು

ನಿನ್ನ ನಗುವಿಗೆ ನಾನೇ ಅಭಿಮಾನಿಯಾಗಿರುವೆ 

ಏನಿದು ನಿನ್ನ ನಗುವಿನ ಮಾಯೆ....????    

ಗೆಳೆಯನ ಅಗಲಿಕೆ

ಮನಸೇಕೋ ಚಡಪಡಿಸುತ್ತಿದೆ ಇನಿಯ 

ನೀನಿಲ್ಲವೆಂದು ನನ್ನ ಸನಿಹ 

ಕಾಣಿಸದೆ ನಿನಗೆ ಈ ಅಗಲಿಕೆಯ ನೋವ 

ತಡೆಯಲಾಗುತ್ತಿಲ್ಲ ನನಗೆ ಈ ಮನಸಿನ ಭಾರ 

ಇನ್ನೆಷ್ಟು ದಿನ ಕಾಯಲಿ ನಿನಗೆ ನಾನು 

ನಿನ್ನನ್ನು ಕನವರಿಸುತ್ತಲೇ ಜೀವನ ಸವಿಸಲೇ ನಾನು 

ಮಾತಿಲ್ಲದೆ ಮೌನವಾದರೆ ನನ್ನ ಕಂಬನಿ ನಿಲ್ಲುವುದೇ 

ಹೀಗೇಕೆ ಕೊಲ್ಲುತಿರುವೆ ನೀ ನನ್ನ 

ಭಾವನೆಗಳ ಲೋಕದಲ್ಲೇ ಬದುಕುತಿರುವೆ ನಾನು 

ನಿನ್ನ ಪ್ರತಿಸ್ಪಂದನವನ್ನು ಕಾಯುತ್ತ 

ಆದರೆ ಈ ನಿನ್ನ ಮೌನವನ್ನು ಹೇಗೆ ಸಹಿಸಲಿ 

ನಿನ್ನ ಹೃದಯಕ್ಕೆ ಅರ್ಥವಾಗುತ್ತಿಲ್ಲವೇ ನನ್ನ ವೇದನೆ 

ಬರಿದಾದ ನನ್ನ ಬಾಳಲೀ ಪ್ರೀತಿಯ ಸುಖವನ್ನು 

ನೀನೇಕೆ ತಂದೆ ಆ ಪ್ರೀತಿಯ ಆನಂದವನ್ನು ಅನುಭವಿಸುವ 

ವೇಳೆಗೆ ನೀನೇಕೆ ಮತ್ತೆ ನನ್ನಿಂದ ದೂರವಾಗುತ್ತಿರುವೆ 

ನನ್ನ ಭಾವನೆಗಳಿಗೆ ನಿನ್ನಲ್ಲಿ ಬೆಲೆಯೇ ಇಲ್ಲವೇ 

ನೀನಿಲ್ಲದ ನನ್ನ ಬಾಳು ಕಲ್ಪನೆಗೂ ಎಟುಕದು 

ಆಗದು ಗೆಳೆಯ ನೀನಿರದೇ  ನಾನು ಬಾಳಲು 

ಈಗಲೇ ನೆನಪಿಸಿಕೊ ನನ್ನ 

ನಾನು ಮಣ್ಣಲ್ಲಿ ಮಣ್ಣಾಗುವ ಮುನ್ನ 

ಪ್ರೇಮದ ಹಾತೊರಿಕೆ

ನೀ ನಡೆವ ಹಾದಿಯ ಹೂವಿಂದ ಅಲಂಕರಿಸಿ 
ನೀ ನುಡಿವ ನುಡಿಯನ್ನು ಮುತ್ತಿಂದ ಪೋಣಿಸಿ 
ನಿನ್ನೊಲುಮೆಯ ಪ್ರೀತಿಗೆ ಭಾವಗಳ ಬಣ್ಣ ತುಂಬಿ 

ನಿನ್ನೊಡಲ ಉಸಿರಾಗಿ ಪ್ರೆಮಗಂಗೆಯನು ಹರಿಸುವೆ

ಕಂಡ ಕನಸನ್ನು ಬೆನ್ನಟ್ಟಿ ಹೋಗುವ ಬದಲು
ಕನ್ನಡಿಯ ಮುಂದೆ ನಿಂತು ಕಲ್ಪನೆಯಲ್ಲೇ ಮೈಮರೆತು
ನಿಂತ ನನ್ನ ಭಾವನೆಗಳಿಗೆ ಜೀವ ತುಂಬಿದೆ ನೀನು
ಮನಸಾರೆ ನಿಷ್ಕಲ್ಮಷವಾಗಿ ಪ್ರೀತಿಸುವೆ ನಿನ್ನ ನಾನು

ನಿನ್ನ ಒಲವ ಸವಿನೆನಪಲ್ಲಿ ಸವಿ ಸ್ವಪ್ನವ ಕಾಣುತ್ತ
ಕವಿತೆಗಳ ಗೀಚುತ್ತ ಪ್ರತಿ ದಿನ ಪ್ರತಿ ಕ್ಷಣ
ಇಂಪಾದ ಪ್ರೇಮ ನಾದವ ಹರಿಸುತಿರುವೆ
ನಿನ್ನ ಎದುರು ನೋಡುತ್ತಾ ಓ ಗೆಳೆಯ....

ಏನು ಉಡುಗೊರೆ ಕೊಡಲಿ ನಾ ನಿನಗೆ....??

ನಿನ್ನಯ ಒಲವಿಗೆ ಉಡುಗೊರೆಯಾಗಿ
ನಾನೇನು ಕೊಡಲಿ ಗೆಳೆಯ
ನನ್ನ ನೋವಿನ ಕಣ್ಣೀರನ್ನು
ನಿನ್ನ ಪ್ರೀತಿಯ ಪನ್ನೀರಲ್ಲಿ ತೇಲಿಸಿದೆ

ಕಲ್ಲಂತೆ ಇದ್ದ ನನ್ನ ಮನಸಲ್ಲಿ
ಭಾವನೆಗಳ ಜೊತೆಯಲ್ಲಿ ಕನಸನ್ನು
ತುಂಬಿ ನಿನ್ನ ಪ್ರೇಮದ ಕಾರಂಜಿಯಲ್ಲಿ
ನನ್ನ ನೆನೆಯುವಂತೆ ಮಾಡಿದೆ

ನಿನ್ನ ಪ್ರೀತಿಯ ಅಪ್ಪುಗೆಯ
ಬಂಧನದಿಂದ ನನ್ನ ಬಂಧಿಸಿ
ನಿನ್ನ ಕರಗಳಿಂದ ನನ್ನ ಕಣ್ಣೀರನ್ನು
ಕರಗಿಸಿ ಪ್ರೀತಿಯ ಮುತ್ತನ್ನು ಹರಿಸಿದೆ

ನಿನ್ನ ಪ್ರೀತಿಯ ಪರಿಯ ಏನೆಂದು
ಬಣ್ಣಿಸಲಿ ನಾನು ಪದಗಳೇ ಸಾಲದಾಗಿದೆ
ನನಗೇನು ತೋಚದೆ ಈ ಕವನವನ್ನೇ
ಉಡುಗೊರೆಯಾಗಿ ನೀಡುತಿರುವೆ

ನೂರಾರು ಬಣ್ಣದ ಕನಸನ್ನು ಒಂದೇ
ಕವಿತೆಯಲಿ ಹೇಳಲು ಸಾದ್ಯವೇ
ನಿನ್ನ ಒಲವಿನ ಧಾರೆಗೆ ಕವಿತೆಯಾಗಿ
ನಾನು ಹರಿದಿರುವೆ ಸ್ವೀಕರಿಸು ಗೆಳೆಯ

ಕೂಡು ಅಗಲುವಿಕೆಯ ಅನುಬಂಧ

ನೀ ನನ್ನ ಬಳಿ ಇದ್ದರೆ 

ಬಾಗಿಲಿಗೆ ಬೆಸೆದ ಹೊಸ್ತಿಲು 

ತೋರಣಕ್ಕೆ ಅಂದ ಕೊಡುವ ಹಸಿರು 

ಕಣ್ಣಿಗೆ ಕಾವಲಿರುವ  ರೆಪ್ಪೆ 

ಒಡಲಿಗೆ ಜೀವ ತುಂಬುವ ಉಸಿಉ 

ಕಡಲಿಗೆ ಹಿತ ನೀಡುವ ತೀರ ಇದ್ದಂತೆ 

ನೀ ನನ್ನ ಬಳಿ  ಇಲ್ಲದಿದ್ದರೆ 

ಕರಗುವ ಮಂಜಿನ ಹನಿ 

ಬಿಸಿಲಲಿ ಬದುವ ಸುಮ 

ನೆರಲನೆ ಕಾಣದ ಲತೆ 

ಜೇನಿನಿಂದ  ದೂರಾದ ಹೂವು 

ಸಿಡಿಲಿನ ಆರ್ಭಟಕ್ಕೆ ಬೆಚ್ಚುವ 

ಮರ ಇದ್ದಂತೆ 

ಅದಕ್ಕಾಗಿಯೇ ನಾನು 

ನನ್ನ ಮನಸೆಂಬ ಕನ್ನಡಿಯಲ್ಲಿ 

ನಿನ್ನ ಪ್ರತಿಬಿಂಬ ಶಾಶ್ವತವಾಗಿ 

ನೆಲಸಲಿ ಎಂದು ಬಯಸುವೆ 

ನೀ ನನ್ನ ಮರೆಯದಿರು 

ಓ ನನ್ನ ಜೀವದ ಉಸಿರೇ 

ಆಸರೆ

ಮನಸಿನ ಆಳದ ನೋವಿಗೆ 

ಪ್ರೀತಿಯೆಂಬ ತೈಲವೇ ಆಸರೆ 

ನೆನಪಿನ ದೋಣಿಯನ್ನು ನಡೆಸಲು 

ಸ್ನೇಹ ಎಂಬ ನಾವಿಕನೆ ಆಸರೆ 

ಹೊತ್ತಿ ಉರಿಯುವ ಕಾಡ್ಗಿಚ್ಚಿಗೆ 

ವರುಣ ದೇವನ ಕೃಪೆಯೇ ಆಸರೆ 

ಭವಿಷ್ಯದ ಕನಸುಗಳಿಗೆ 

ವಾಸ್ತವದ ಪರಿಶ್ರಮವೇ ಆಸರೆ 

ನಕ್ಷತ್ರಗಳಿಗೆ ಆಕಾಶವೇ ಆಸರೆ 

ಭೂಮಿಗೆ ಇರುಳಲಿ ಬೀಳುವ ಚಂದ್ರನ ಬೆಳಕೇ  ಆಸರೆ 

ಆದರೆ ಶಶಿಯೇ ನನಗೆ ನಿನ್ನ 

ಬೆಳದಿಂಗಳೇ ಆಸರೆ 

ಮುಗಿಲ ಕಾರ್ಮೋಡ ಕರಗಳು 

ಸೂರ್ಯನ ಕಿರಣಗಳೇ ಆಸರೆ 

ನನ್ನ ಮನದ ದುಗುಡ ತಿಳಿಯಾಗಲು 

ನಿನ್ನ ಒಲವಿನ ಮಾತುಗಳೇ ಆಸರೆ 

ನೀಹಾರಿಕ

ಕನಸಲಿ ಕಂಡ ನೀಹಾರಿಕೆಯ ಬಿಂಬ 

ಹುಡುಗನ ಮನಸಲಿ ಬೇರೂರಿದೆ 

ಯಾವಾಗ ಕನುವಲೋ ಎಂಬ 

ಹತೊರಿಕೆ ಅವನಿಗೆ 

ಆಕಾಶದಲ್ಲಿ ಕಂಡ ನಕ್ಷತ್ರಗಳ

ಗುಚ್ಛ ಭೂಮಿಯಿಂದ ನೋಡಿದ 

ನೀಹಾರಿಕೆಗೆ ಅವುಗಳನ್ನು 

ಎನಿಸುವ ಹಾತೊರಿಕೆ 

ಪ್ರತಿದಿನ ಆ ಒಂದೊಂದು ನಕ್ಷತ್ರಕ್ಕೆ 

ಅವನ  ಕಥೆ ಹೇಳಿ ಮಲಗುವ ಆಸೆ ಅವಳಿಗೆ 

ದಿನಕ್ಕೊಂದು ನಕ್ಷತ್ರಕ್ಕೆ ಬದುಕಿನ 

ಕೊನೆತನಕ ಕಥೆ ಹೇಳುವ ಹಾತೊರಿಕೆ 

ನೀಹಾರಿಕೆ ಇಲ್ಲವಾದ ಒಂದು ದಿನ 

ಆಕಾಶದ ಅಷ್ಟು ನಕ್ಷತ್ರಗಳು 

ಜಗತ್ತಿಗೆ ಅವರಿಬ್ಬರ ಕಥೆ ಹೇಳಲಿ 

ಎಂಬುದು ಅವಳ ಹಾತೊರಿಕೆ 

ಬಾ ಮಳೆಯೇ ಬಾ

ಬಾ ಮಳೆಯೇ ಬಾ
ಉರಿವ ಈ ಧರೆಯ 
ತಂಪಾಗಿಸಲು ಬಾ

ಈ ಭೂಮಿಯಲ್ಲೇ ಬದುಕಿ 
ಈ ಭೂಮಿಯನ್ನು ಅಗಿದು 
ಈ ಭೂಮಿಯೊಳಗೆ ಹುಗಿದು 
ಮುಗಿಸುವ ಮನುಷ್ಯನ ಬದುಕಿಗೆ 
ನಿನ್ನಾಸರೆಯೇ ಉಸಿರು ಓ ಮಳೆಯೇ

ನಿನ್ನಿಂದಲೇ ನಾವು ನೀನಿದ್ದರೆ ನಮ್ಮ ಬದುಕು
ನೀ ಮುನಿದರೆ ನಮಗೆ ಕೆಡುಕು
ಸುರಿದರೆ ಮಳೆ ನಗುವುದು ಈ ಧರೆ
ಮುನಿದರೆ ಮಳೆ ಬಿರಿಯುವುದು ಈ ಧರೆ 

ಓ ಮಳೆಯೇ ಇರಲಿ ನಿನಗೆ 
ಭೂಮಿಯ ಮೇಲೆ ಪ್ರೀತಿ
ನೀನಿದ್ದರೆ ನಮ್ಮ ಬಾಳು ನಿರ್ಭೀತಿ
ಬಾ ಮಳೆಯೇ ಬಾ 

ನೀನು ಮಿತವಾಗಿ ಸುರಿದರೆ 
ಹಿತವಾಗುವುದು ಈ ಇಳೆಗೆ
ಈ ಭೂಮಿಗೆ ಜೀವವು ನೀನೆ ಜೀವನವು ನೀನೆ
ಬಾ ಮಳೆಯೇ ಬಾ 

ನಿನ್ನ ರೌದ್ರನರ್ತನವನ್ನು ತೋರಿಸದೆ 
ಬರಿಯ ಹನಿಗಳನ್ನು ಸುರಿಸದೆ ಇರಬೇಡ 
ಮಿತವಾಗಿ ಸುರಿದು ಹಿತವಾಗಿ ಇರಿಸು ಈ ಭೂಮಿಯ
ಬಾ ಮಳೆಯೇ ಬಾ

ಪ್ರೀತಿಯ ಹಾರೈಕೆ

ನಗುವ ನಯನದಲ್ಲಿ ಖುಷಿಯ ನೋಡಿ

ಕೆಂದುಟಿ ಅಲ್ಲಿ   ಸೂಸಿದ ಹೂನಗೆಯ ಬೆರೆಸಿ 

ಮಧುರ ಭಾವನೆಯ ನೋಟವನ್ನು ಮನಸಲಿ ತರಿಸಿ 

ನಿನ್ನ ಹೃದಯ ತುಂಬಲಿ ಒಲವಿನ ಆಸರೆಯಲ್ಲಿ 

ಅಂದದ ಮೊಗದಲ್ಲಿ ಚಂದದ ನಗುವಿರಲಿ 

ನಿರ್ಮಲವಾದ ಮನಸಲ್ಲಿ ಸ್ನೇಹ ಸದಾ ಇರಲಿ 

ಕಪಟವಿಲ್ಲದ ಮಾತಿನಲ್ಲಿ ಪ್ರೀತಿಯ ಛಾಯೆ ಹರಿಯಲಿ 

ನಿನ್ನ ಜೀವನದ ಸುತ್ತ ಪ್ರೀತಿ ಸ್ನೇಹ ಎಂಬ 

ಸುಳಿಗಳು ಸದಾ ಸುತ್ತುತ್ತಿರಲಿ 

ನೋವು ಸಂಕಟ ದುಖಗಳನ್ನು 

ಸಹಿಸುವ ಸಂಯಮ ಇರಲಿ

ಜೀವಕ್ಕೆ ಜೀವನಕ್ಕೆ  ಉಸಿರಾಗುವ 

ಬಾಳಸಂಗಾತಿ ಸಿಗಲಿ

ಸದಾ ಹರುಷದ ಹೊನಲಲ್ಲಿ 

ತೇಲಲಿ  ನಿನ್ನ ಜೀವನ 

ಆ ನಿನ್ನ ಸಂಗಾತಿ ನಿನ್ನ ಒಲವಲ್ಲಿ 

ನಿನ್ನ ಪ್ರೇಮದ ಸಾಗರದಲಿ

ಮಿಂದು ಪ್ರೀತಿಯ ಕರಗಳಲ್ಲಿ 

ಕರಗಿ ಉಸಿರಿಗೆ ಉಸಿರಾಗಿ 

ಕನಸಿಗೆ ನನಸಾಗಿ ಕಣ್ಣೀರಿಗೆ 

ಅನಂದಭಾಷ್ಪವಾಗಿ 

ದುಃಖಕ್ಕೆ ಸುಖವಾಗಿ ಬಾಳಲಿ

ಜೀವನ ಏಕೆ ಹೀಗೆ..??

ನಾವಂದುಕೊಂಡ ಹಾಗೆ ಏನು ಆಗದು
ಇರುವ ವಾಸ್ತವವನ್ನು ಈ ಮನಸು ಒಪ್ಪದು
ಏನಿದು ಈ ಹುಚ್ಚು ಮನಸಿನ ಆಟ
ಇದು ಎಂದಿಗೆ ಕಲಿಯುವುದು ಜೀವನದ ಪಾಠ .

ಸಂಕಟದಲ್ಲಿರುವ ಮನಸಿಗೆ ಸಂತಸದಿಂದಿರುವ 
ಮನಸನ್ನು ಕಂಡರೆ ಆಗದು ಅದು ಕೇಳುವುದು 
ಈ ಜಗದಲಿ ನನಗೆ ಏಕೆ ದುಃಖ ಅನ್ಯರೆಲ್ಲ 
ಖುಷಿಯಾಗಿರುವವರಲ್ಲ ನನಗೆ ಏಕೆ ಈ ದುಃಖ 

ಆದರೆ ಆ ನೊಂದ ಮನಸಿಗೇನು ಗೊತ್ತು ಅದು 
ಅಂದುಕೊಂಡ ಅನ್ಯರಿಗೆ ತಾನೂ ಕೂಡ ಅವರಿಗೆ 
ಅನ್ಯ ಎಂದು..ಓ ಮನಸೇ ಮರುಗಬೇಡ ಇಲ್ಲಿ ಯಾರು 
ಸುಖಿಗಳಲ್ಲ ಎಲ್ಲರೂ ದುಖಿಗಳಲ್ಲ ಎಲ್ಲವು ಕ್ಷಣಿಕ ಅಷ್ಟೇ 

ನೀನರಿಯದ ಜೀವನವನ್ನು ಅರಿತು ಬಾಳಿದರೆ
ನಿನಗಿರುವುದಿಲ್ಲ ಯಾವುದೇ ದುಃಖ 
ಪರರ ಬಾಳಿಗೆ ನಿನ್ನ ಬಾಳನ್ನು ಹೋಲಿಸದೆ 
ನಿನ್ನ ಬಾಳು ಪರರಿಗೆ ಸ್ಪೂರ್ತಿಯಾಗುವಂತೆ ಬಾಳು ಮನಸೇ

ಓ ಮನಸೇ ನೀ ಬಾರದಿರುವ ಅದೃಷ್ಟಕ್ಕೆ ಕಾಯದಿರು 
ನಗುವ ನಯನವನ್ನು ಮೊಗದಲ್ಲಿ ಮನೆ ಮಾಡಿ
ಹೂ ಅರಳಿದಾಗ ಕಾಣುವ ಸೌಂದರ್ಯದಂತೆ 
ನಿನ್ನ ತುಟಿಯನ್ನು ಅರಳಿಸಿ ನಗುತಿರು ಎಂದೆಂದಿಗೂ 

ಬಾರದಿರುವದನ್ನು ಬರಿಸಲು ಸಾದ್ಯವೇ 
ಬರುವುದನ್ನು ತಪ್ಪಿಸಲು ಸಾದ್ಯವೇ 
ಈ ಸತ್ಯ ಅರಿತು ಜೀವನದಲ್ಲಿ ಎಲ್ಲರೊಂದಿಗೆ 
ಬೆರೆತು ಬಾಳಿದರೆ ಸಾರ್ಥಕವಾಗುವುದಲ್ಲವೇ ನಿನ್ನ ಜೀವನ

ನೊಂದ ಹೃದಯದ ವೇದನೆ

ಮನ ಬಂದಂತೆ ಪ್ರೀತಿಸಿದೆ ನಾ ನಿನ್ನ
ಮನ ಬಂದಂತೆ ಹಿಂಸಿಸುತ್ತಿರುವೆ ನೀ ನನ್ನ
ಮನವೇಕೊ ಇಂದು ಕನವರಿಸುತ್ತಿದೆ ನಿನ್ನ
ಅರಿಯದೆ ಮಾಡಿದ ಪ್ರೀತಿಗೆ ಅರಿತು
ನೀ ಕೊಟ್ಟ ಹಿಂಸೆಯೇ ಉಡುಗೊರೆಯೇ...???

ನಿರ್ಮಲವಾದ ನನ್ನ ಪ್ರೀತಿಗೆ ಅನುಮಾನ
ಎಂಬ ಬೆಂಕಿ ಹಚ್ಚಿ ಹೋದೆ ನೀನು
ಕಣ್ಣಲ್ಲಿ ಸುರಿಯುವ ಸಂಕಟದ ನೀರಿಗೆ
ನಿನ್ನ ಕೈ ಅಳುವ ನನ್ನನ್ನು ಸಂತೈಸದೆ ಆ
ಕೈಯೇ ಕಣ್ಣನ್ನು ತಿವಿದರೇ ಸಹಿಸುವುದೇ ಈ ಹೃದಯ..??

ಸಾಗರದ ನೀರಲ್ಲಿ ಆ ಚಂದ್ರಮನ ಬಿಂಬ ಕಾಣುವಂತೆ
ನಿನ್ನ ಕಣ್ಣಲ್ಲಿ ನನ್ನ ಪ್ರತಿಬಿಂಬ ಕಾಣಲೆಂದು ನಾ ಬಯಸಿದರೆ
ನನ್ನ ಕಣ್ಣಲ್ಲಿ ಇದ್ದ ಆ ಪ್ರೀತಿಯ ಭಾವನೆಯನ್ನು
ನಿನ್ನ ಕಣ್ಣುಗಳು ನೋಡಿದರು ಗುರಿತಿಸದೆ ಹೋದವು ಈ
ಆಘಾತವನ್ನು ನನ್ನ ಮನ ಸಹಿಸುವುದೆಂದು ತಿಳಿದಿರುವೆಯಾ..??

ಈ ಹುಚ್ಚು ಮನಸು ಕಂಡಿತು ನಿನ್ನ ಪ್ರೀತಿಯ ಕನಸು
ಹುಡುಕುತ್ತ ಹೋಗುವೆ ನನ್ನ ಪ್ರೀತಿಯನ್ನು
ಅದು ಸಿಗುವ ಲಕ್ಷಣ ಇಲ್ಲ ನನಗಿನ್ನು
ಅದರೂ ಬಿಡುವುದಿಲ್ಲ ನನ್ನ ಪ್ರೀತಿಯನ್ನು
ಆ ಪ್ರೀತಿ ಸಿಗುವುದೇ ನನಗಿನ್ನು.....??????????????

ಕಾದಂಬರಿ

ಏನೆಂದು ಬರೆಯಲಿ ನಾ ನಿನಗಾಗಿ
ಪದಗಳೇ ಸಾಲದಾಗಿದೆ 
ಈ ಖಾಲಿ ಹಾಳೆಯಲ್ಲಿ ಎಷ್ಟು ಗೀಚಿದರೂ
ಅದು ಸರಿಸಾಟಿಯಾಗುತ್ತಿಲ್ಲ ನಿನ್ನ ಪ್ರೀತಿಗೆ 

ಹೇಗೆ ತುಂಬಿಸಲಿ ನನ್ನ ಪ್ರೀತಿಯ
ಕಾದಂಬರಿಯನ್ನು 
ಯಾವ ಬಣ್ಣದಿಂದ ಬರೆಯಲಿ 
ನನ್ನ ಭಾವನೆಗಳ ಸಾಲನ್ನು 

ಪ್ರೀತಿ ಪ್ರೇಮ ಎಂಬ ಬಣ್ಣಗಳೊಂದಿಗೆ 
ಹಾಲು ಜೇನಿನ ಹಾಗೆ ಬೆರೆತು 
ಸ್ನೇಹ ತ್ಯಾಗದ ಅನುಬಂಧದ ಹಾಗೆ 
ನನ್ನ ಕಾದಂಬರಿಯನ್ನು ಪೂರ್ಣ ಮಾಡಿ

ನಿನ್ನ ಮನಸಿನ ಕನ್ನಡಿಯ ಮುಂದೆ ಆ
ಕಾದಂಬರಿಯನ್ನು ಇಟ್ಟು ಅದರ ಪ್ರತಿ 
ಪುಟವನ್ನು ತಿರುವಿದರೆ ಆ ಭಾವನೆಗಳ 
ಪ್ರತಿಬಿಂಬ ನಿನ್ನ ಮುಖದಲ್ಲಿ ಮೂಡಲಿ

ಮಿತಿಯೇ ಇಲ್ಲದ ಪ್ರೀತಿ

ನಿನ್ನ ನಗುವನ್ನು ನನ್ನ ಬಾಳ ಬೆಳಕು ಮಾಡಿ
ನಿನ್ನ ಸ್ನೇಹದ ಕಡಲಲ್ಲಿ ಮೈಮರೆತು 
ಈಜಾಡಿ ನನ್ನ ಮನದ ನೋವನ್ನು 

ಮರೆತು ಸಂತಸವಗಿರುವ ಆಸೆ

ನಿನ್ನ ಮನದ ತಿಳಿನೀರ ಸರೋವರದಲ್ಲಿ
ನನ್ನ ಭಾವನೆಗಳ ಪ್ರತಿಬಿಂಬ ಕಂಡು
ಆ ಪ್ರತಿಬಿಂಬಕ್ಕೆ ನೀನು ಬಣ್ಣ ತುಂಬಿ ಅದರ
ರೂಪವನ್ನು ನಾನು ನೋಡುವ ಆಸೆ

ನಿನ್ನ ಕಣ್ಣಿಗೆ ನಾನು ರೆಪ್ಪೆಯಾಗಿ
ನಿನ್ನ ತುಟಿಗಳಿಗೆ ನಾನು ನಗುವಾಗಿ
ನಿನ್ನ ನೋವಿನ ಕಣ್ಣೀರಿಗೆ
ನಾನು ಅನಂದಭಾಷ್ಪವಾಗಿ ಹರಿಯುವ ಆಸೆ

ನಿನ್ನ ಕಣ್ಣಲ್ಲಿ ನಾನು ಕಂಡ ಆ ಪ್ರೀತಿ
ನನ್ನ ಮನಸಿನ ಪ್ರೀತಿಯೊಂದಿಗೆ ಮಿಲನವಾಗಿ
ನಿನ್ನ ಮನದ ಕೊಳದಲ್ಲಿ ನನ್ನ ಮನ ಹರಿದು
ಅದು ಪ್ರೀತಿಯ ಸಾಗರವಾಗಿ ಆ ಪ್ರೀತಿಯ
ಸಾಗರದಲ್ಲಿ ನಾವಿಬ್ಬರೂ ಮಿಂದು ಪ್ರೀತಿಯ
ಸಾರ್ಥಕ ಜೀವನ ಅನುಭವಿಸುವ ಆಸೆ

ಹೂನಗೆಯ ನೆನಪಲ್ಲಿ

ನೀ ಅಂದು ಚೆಲ್ಲಿದ ಅ ಹೂನಗೆ 
ಇಂದೂ ನನ್ನ ಕಾಡುತಿದೆ
ಸಾಕು ಆ ನಿನ್ನ ಒಂದು ಹೂನಗೆ

ನನ್ನ ಈ ಜೇವನದ ಪಾಲಿಗೆ

ಅದರೂ ಏತಕೆ ಇನ್ನೂ ಕಾಡುತಿದೆ ಆ
ನಿನ್ನ ನಗೆ ಹೇಗೆ ಮರೆಯಲಿ ಆ ಭಾವನೆ
ಮನಸೇಕೋ ಚಡಪಡಿಸುತ್ತಿದೆ ಇಂದು
ಎಲ್ಲಿ ಕಳೆದೋಯ್ತು ಆ ನಗು ಎಂದು

ನಿನ್ನ ಮೊಗದಲ್ಲಿ ಆ ಹೂನಗೆಯ
ಮತ್ತೆ ಕಾಣುವಾಸೆ
ಆ ನಗುಮೊಗವನ್ನು ನೋಡುತ್ತಾ
ನನ್ನ ನೋವನ್ನು ಮರೆಯುವಾಸೆ

ಹೂನಗೆಯ ನೆನಪಲ್ಲೇ ಇರುವೆ ನಾನು
ಆ ನೆನಪಿಂದ ದೂರವಾಗಬೇಡ ನೀನು
ನೀ ಹಾಗೆ ದೂರವಾದರೆ ಲತೆಯಿಂದ
ದೂರಾದ ಸುಮದಂತೆ ನಾನಾಗುವೆ

ನನ್ನ ಆಸೆಯ ಭಾವ ಅರ್ಥೈಸಿಕೊಂಡರೆ ನೀನು
ಬೇರೆ ಏನನ್ನು ಬಯಸಲಾರೆನು ನಾನು
ನನಗಿರುವ ಆಸೆ ಒಂದು
ಆ ಹೂನಗೆ ಇರಲಿ ನಿನ್ನ ಮೊಗದಲ್ಲಿ ಎಂದೆಂದೂ

ಸವಿಬಂಧ

ಸಮುದ್ರಲ್ಲಿರುವ ಇರುವ ನೀರನ್ನು
ಕೊಡದಲ್ಲಿ ತುಂಬಲಾಗದು 
ಮನಸ್ಸಿನ ತುಂಬಾ ಇರುವ ಮಾತನ್ನು

ಹಾಳೆಯಲ್ಲಿ ಬರೆಯಲಾಗದು

ಹೃದಯದ ತುಂಬಾ ಇರುವ ಪ್ರೀತಿಯನ್ನು
ಕಣ್ಣಿನಲ್ಲಿ ವ್ಯಕ್ತವಾಗುವುದು ಆದರೆ
ಬಾಯಲ್ಲಿ ಹೇಳಲಾಗದು

ತಾಯಿಯ ಕರುಳಲ್ಲಿ ಬೆರೆತ ಮಮತೆಯನ್ನು
ಅನುಭವಿಸಿದವರಿಗೆ ಗೊತ್ತಾಗುವುದೇ
ಹೊರತು ಕಣ್ಣಿಂದ ನೋಡಿದರೆ ತಿಳಿಯದು

ದೈಹಿಕವಾಗಿ ನೋವಾದರೂ ಮನಸ್ಸಿಗೆ
ನೋವಾದರೂ ಬರುವುದು ನೀರು ಕಣ್ಣಲ್ಲಿ
ಮನಸ್ಸಿಗೆ ಖುಷಿಯಾದರೂ ಸುರಿಯುವುದು
ಆನಂದ ಭಾಷ್ಪ ಕಣ್ಣಲ್ಲಿ

ಕಣ್ಣು ಕರಳು ಮನಸು ಈ
ಮೂವರ ನಡುವೆ ಇರುವ ಅನುಬಂಧ
ಸಾಗರ ಹುಣ್ಣಿಮೆಗಳ ನಡುವೆ ಬೆಸೆದ
ಹಾಗೇ ಇರುವ ಸವಿಯಾದ ಬಂಧನ

ಮನಸಾರೆ ಬರೆದಿದ್ದೆ 

ಒಂದು ಕವನ

ಅದಕ್ಕೊಂದು ಬಡಿಯಿತು 

ಅನುಮಾನ ಎಂಬ ಕಂಪನ  

ಆ ಕ್ಷಣಕ್ಕೆ ಆಯಿತು ನನ್ನ 

ಮನಸಲ್ಲಿ ನೋವು  ತಲ್ಲಣ 

ಅದಕ್ಕೆ ಮಾಡುವುದಿಲ್ಲ ತಾನೆ 

ನನ್ನನ್ನು ನಿನ್ನ  ಮನಸಿಂದ 

ನಿರ್ಗಮನ ...????

ಹುಚ್ಚು ಕನಸಿನ ನೋವು

ನೆಪ ಮಾತ್ರಕ್ಕೆ ಇಷ್ಟಪಡಲ್ಲ ಅಂತ 
ಹೇಳಿ ಓಡಿ ಹೋದೆ ನಾನು 
ಆದರೆ ನನ್ನ ಕಣ್ಣಲ್ಲಿ ನಿನ್ನ ಮೇಲೆ ಇದ್ದ 

ಪ್ರೀತಿಯನ್ನ ಏಕೆ ಗುರ್ತಿಸಲಿಲ್ಲ ನೀನು

ಕಣ್ಣುಗಳೇ ಮನಸ್ಸಿನ ಭಾವನೆಯ
ಕನ್ನಡಿ ಅಂದುಕೊಂಡಿದ್ದೆ
ಆದರೆ ಆ ಕನ್ನಡಿಯನ್ನೇ ಒಡೆದು
ಹಾಕುವ ಮನಸೇಕೆ ಬಂತು ನಿನಗೆ

ಪ್ರೀತಿಯ ಮೋಹಕ್ಕೆ ಸೋತು ಶರಣಾಗಿ
ಬಂದೆ ಆದರೆ ಇದುವೇ ಏನು
ನೀ ಅದಕ್ಕೆ ಕೊಟ್ಟ ಉಡುಗೊರೆ
ಉಸಿರು ಉಸಿರಲ್ಲೂ ಮಿಡಿಯುತಿರುವೆ ನೀ ಇನ್ನೂ

ಆದರೆ ನನಗಿರುವ ಒಂದೇ ಚಿಂತೆ
ನೀ ದೂರವಾದೆ ಏಕೆ ಎಂಬ ಚಿಂತೆ
ನಿನ್ನ ನೆನಪಲ್ಲೇ ಮಿಂದು ಬೆಂದು
ಹುಚ್ಚಿಯಗಿರುವೆ ನಾನು

ಈ ಹುಚ್ಚಿಯ ಮನಸು ಕಂಡಿತು
ನಿನ್ನ ಬಗ್ಗೆ ಒಂದು ಹುಚ್ಚು ಕನಸು
ಈ ಮನಸ್ಸಿನ ಪ್ರೀತಿ ಕನಸಲ್ಲಿ ಸತ್ಯವಾಗಿದೆ
ಆದರೆ ವಾಸ್ತವದಲ್ಲಿ...?????

ಪ್ರೀತಿಯ ಬಂಧನ

ನನ್ನ ಜೀವನದ ಪ್ರತಿ ಕ್ಷಣ
ಬಯಸುವುದು ನಿನ್ನ ಮನಸಿನ ಮಿಲನ
ನನ್ನ ಜೀವಕ್ಕೆ ಜೀವವಾಗಿರುವೆ  ನೀನು
ನಿನ್ನ ಉಸಿರಿಗೆ ಉಸಿರಾಗುವೆ  ನಾನು

ನಿನ್ನ ಪ್ರೀತಿಯ ಸೆಳೆತಕ್ಕೆ
ಸಿಕ್ಕಿರುವೆ ನಾನು
ನನ್ನ ಹೃದಯದ ಪ್ರತಿ ಮಿಡಿತದಲ್ಲೂ 
ಬೆರೆಯಬೇಕು ನೀನು

ನಾದವ ಹೊಮ್ಮುವ ವೀಣೆಯು ನಾನಾಗಿ
ತಂತಿಯ ಮೀಟುವ ವೈಣಿಕ ನೀನಾಗಬೇಕು 
ರಾಗ ತಾಳ ಭಾವ ಸೇರಿದರೆ ಬರುವ 
ಅನನ್ಯ ಸಂಗೀತದಂತೆ 
ನನ್ನ ನಿನ್ನ ಬಂಧನ ಅನನ್ಯ 
ಅನುಬಂಧವಾಗಬೇಕು 

ಮಲ್ಲಿಗೆ ಸಂಪಿಗೆ ಸೇರಿದರೆ ಬರುವ 
ಅನನ್ಯ ಸುಗಂಧದಂತೆ 
ಹೂವು ಶ್ರೀಗಂಧ ಬೀರುವ ಪರಿಮಳದ
ಹಾಗೆ ನನ್ನ ನಿನ್ನ ಪ್ರೀತಿಯ ಕಂಪು
ಈ ಜಗದಲ್ಲಿ ಬೀರಬೇಕು

ಮನದ ನೋವು

ಯಾರಿಗೆ ಯಾರೂ ಇಲ್ಲದ 
ಈ ಜಗತ್ತಲ್ಲಿ ನಮಗೆ ಕೇವಲ
ನಾವೇ ನೋಡಬೇಕು 

ಮನಸ್ಸಿಗೆ ನೋವಾದಾಗ 
ಯಾರು ಇಲ್ಲದಿದ್ದರೆ 
ಬರುವುದು ಕಣ್ಣೀರು 

ಜೀವನ ಎಂದರೆ 
ಸುಖ ದುಖದ ಸಮ್ಮಿಲನ
ಆದರೆ ಬರೀ ದುಖವೇ ಜೀವನವಾದರೆ
ಅರ್ಥವಿರುವುದೇ ಈ ಜೀವಕೆ..????

ಕನಸಲಿ ಕಂಡದ್ದೆಲ್ಲ ಸತ್ಯವಾದರೆ
ಮನಸಿಗೆ ನೋವೆಲ್ಲಿ?
ಮನಸಿನ ಆಸೆಯಲ್ಲ ಈಡೆರಿಬಿಟ್ಟರೆ
ಕನಸಿಗೆ ಜಾಗವೆಲ್ಲಿ..???

ಚುಟುಕು ಕವನಗಳು

ಲೇಖನಿ
************
ಕೈಯಲ್ಲಿ ಹಿಡಿದರೆ ಲೇಖನಿ
ಮೂಡುವುದು ಅಕ್ಷರದ ಖನಿ
ಕೈಯಲ್ಲಿ ಹಿಡಿದರೆ ಲೇಖನಿ
ಮೂಡುವುದು ಚಿತ್ತಾರದ ಗಣಿ

ಅತ್ತೆ
********
ನನ್ನ ಮುದ್ದಿನ ಅತ್ತೆ
ಅವಳು ನಕ್ಕರೆ ಬೀಳುವುದು
ಮುತ್ತಿನ ಕಂತೆ
ನನ್ನ ಮುದ್ದಿನ ಅತ್ತೆ
ಅವಳು ಸಿಟ್ಟಾದರೆ ಬೀಳುವುದು
ಬೈಗುಳದ ಕಂತೆ

ಗುಲ್ಲು
********
ನನ್ನ ತಂಗಿಗೆ ನಾನಿಟ್ಟಿರುವ ಹೆಸರು ಗುಲ್ಲು
ಅವಳಿದ್ದರೆ ನನ್ನ ಬಾಳು ಹಸಿರು ಹುಲ್ಲು
ಅವಳಿಲ್ಲದಿದ್ದರೆ ನನ್ನ ಬಾಳು ಗಟ್ಟಿ ಕಲ್ಲು

ಕೋಗಿಲೆ
**********
ಕುಹೂ  ಕುಹೂ ಹಾಡುವೆ ನೀ ಕೋಗಿಲೆ
ನನಗೆ ಯಾವಾಗ ಕಲಿಸುವೇ ನೀ ಹೇಳೆಲೆ
ಕುಹೂ  ಕುಹೂ ಹಾಡುವೆ ನೀ ಕೋಗಿಲೆ
ನನಗೂ ಕಲಿಸಲು ಬೇಗನೆ ನೀ ಬಾರೆಲೇ

ಆಸರೆ
*********
ರವಿಗೆ ಆಕಾಶವೇ ಆಸರೆ
ಶಶಿಗೆ ರವಿಯೇ ಆಸರೆ
ಆದರೆ ಶಶಿಯೇ ನನಗೆ
ನಿನ್ನ ಬೆಳದಿಂಗಳೇ ಆಸರೆ

ಪ್ರೀತಿ
********
ಬಾಳಲ್ಲಿ ಇರಬೇಕು ಪ್ರೀತಿ
ಅದೇ ನಮ್ಮ ಬಳಿಗೆ ಸ್ಪೂರ್ತಿ
ಬಾಳಲ್ಲಿ ಇದ್ದರೆ ಪ್ರೀತಿ
ಆಗುವುದು ನಮ್ಮ ಬಾಳು ನಿರ್ಭೀತಿ

ಸ್ನೇಹ-ಪ್ರೀತಿ
*****************
ಸ್ನೇಹಕ್ಕೆ ಶರಣಾಗದವರಿಲ್ಲ
ಪ್ರೀತಿಗೆ ಸೋಲದವರಿಲ್ಲ
ಸ್ನೇಹ ಪ್ರೀತಿ ಅನುಭವಿಸುವರ
ಬಾಳು ಹಸನಾಗದಿರುವುದಿಲ್ಲ

ಸುಖದುಖದ ನಡುವೆ....

ಮೌನಗೀತೆಯಲ್ಲಿ ಬರೆಯಲು 
ಸಾಧ್ಯವೇ ಮನದ ಮಾತನ್ನು
ಕಣ್ಣಿನ ಹನಿಯಲ್ಲಿ ಹೊರಹಾಕಲು 
ಸಾಧ್ಯವೇ ಹೃದಯದ ನೋವನ್ನು 

ನಿಸರ್ಗದ ಸೌಂದರ್ಯಕ್ಕೆ ಹೋಲಿಸಲು
ಸಾಧ್ಯವೇ ಮನುಜರ ಸೃಷ್ಟಿಯನ್ನು
ಜನನಿಯ ಮಮತೆಗೆ ಸರಿಸಾಟಿಯೇ
ಮಕ್ಕಳು ಕೊಡುವ ಆಸರೆ

ಮುಗಿಲ ಮಲ್ಲಿಗೆಯ ಕಂಡು
ಆಸೆಪಟ್ಟರೆ ಅದು ನಿಲುಕುವುದೇ
ಭೂಮಿಯ ಮೇಲೆ ನಿಂತ ಕೈಗಳಿಗೆ
ಓ ಮನುಜ ನೀನೆಷ್ಟು ಕ್ಷುಲ್ಲಕ ಅಲ್ಲವೇ
ಈ ಪ್ರಕೃತಿಯ ಮುಂದೆ...???

ಓ ನನ್ನ ಜೀವನವೇ
ಎಂದಿಗೆ ದಡ ಸೇರುವೆ ನೀನು
ಸಾಕಲ್ಲವೇ ಈ ಪರದಾಟ
ಎಂದಿಗೆ ಮುಗಿಸುವೆ ನಿನ್ನ ಆಟ..????????

ಆನಂದ

ಕಲ್ಪನೆಯ ಕನಸಲ್ಲಿ 
ಜೀವನದ ಮನಸು ಬೆರೆತರೆ 
ಎಂತಹ ಆನಂದ 

ಪ್ರಕೃತಿಯ ಮಡಿಲಲ್ಲಿ
ಸಿಡಿಲಿನ ಅರ್ಭಟ ಅಡಗಿದರೆ
ಎಂತಹ ಆನಂದ

ಹಾಲಿನ ಹೊಳೆಯಲ್ಲಿ
ಜೇನಿನ ಮಳೆ ಸುರಿದರೆ
ಎಂತಹ ಆನಂದ

ಈ ಅರಿತು ಬೆರೆತು ಬಾಳುವ
ಸಂಬಂಧ ನಮ್ಮದಾದರೆ
ಆಹಾ ಎಂತಹ ಆನಂದ....!!!!!!!!!!

ಆಳವಾದ ಪ್ರೀತಿ

ಕಡಲಿನ ಭಯಾನಕ ಅಲೆಗಳು 
ಉಕ್ಕಿ ಬಳಿ ಬಂದರೂ 

ಆಗಸದ ಮೋಡಗಳ ರೌದ್ರ ನರ್ತನದಿಂದ 
ಸಿಡಿಲು ನನ್ನ ತಲೆ ಮೇಲೆ ಬಡಿದರೂ 

ಬಿರುಗಾಳಿ ಬೀಸಿ ಎದಿರಾದರೂ
ಕಂಪನಗೊಂಡು ಭೂಮಿ ಬಿರಿದರೂ

ನಿನ್ನ ಒಲವ ಸವಿನೆನಪಲ್ಲಿ
ನಿನ್ನೊಲುಮೆಯ ಲತೆಯಲ್ಲಿ

ನಾನು ಹೂವಾಗಿ
ಪ್ರೀತಿಯ ತೇರನ್ನು ಹತ್ತಲು

ಪ್ರತಿ ಜನ್ಮ ಕಾಯುವೆ ಎಂದು ಹೇಳಿ
ಕಣ್ಣು ಮುಚ್ಚುವೆ..... 

ಗೆಳೆಯನ ಹುಡುಕಾಟ

ಓ ನನ್ನ ಗೆಳೆಯನೇ ಎಲ್ಲಿರುವೆ ನೀನು 

ಇನ್ನು ಎಷ್ಟು ಕಾಯಲಿ ನಿನಗಾಗಿ ನಾನು 

ನೀ ನನ್ನ ಬಳಿ ಇದ್ದರೆ

ನನಗಿಲ್ಲ ಯಾವುದೇ ತೊಂದರೆ 

ಸಾಗರದಲೀ ನಾ ಮುಳುಗಿದರೂ 

ಪ್ರಳಯದಲೀ ನಾ ಸಿಲುಕಿದರೂ 

ನಾ ಬಯಸುವುದು ನಿನ್ನ ಸನಿಹ 

ಮಾತ್ರ ಗೆಳೆಯನೇ....

ಸ್ನೇಹ

ಸ್ನೇಹದ ಕಡಲು ಎಂಬುದು ಅಪಾರ 

ಅದರಲ್ಲಿ ಈಜಿ ಬಂದವನೇ ಸರದಾರ 

ಓ ನನ್ನ ಗೆಳೆಯ/ಗೆಳತಿಯರೇ ನಾವೆಲ್ಲರೂ 

ಜೊತೆಗೆ ಈ ಕಡಲಲ್ಲಿ ಈಜಿ 

ಇಳಿಸೋನ ನಮ್ಮ ಮನಸಿನ ಭಾರ 

ಅನುಬಂಧದ ಆನಂದ

ಕಲ್ಪನೆಯ ಕನಸಲ್ಲಿ 
ಜೀವನದ ಮನಸು ಬೆರೆತರೆ 
ಎಂತಹ ಆನಂದ 

ಪ್ರಕೃತಿಯ ಮಡಿಲಲ್ಲಿ
ಸಿಡಿಲಿನ ಅರ್ಭಟ ಅಡಗಿದರೆ
ಎಂತಹ ಆನಂದ

ಹಾಲಿನ ಹೊಳೆಯಲ್ಲಿ
ಜೇನಿನ ಮಳೆ ಸುರಿದರೆ
ಎಂತಹ ಆನಂದ

ಈ ಅರಿತು ಬೆರೆತು ಬಾಳುವ
ಸಂಬಂಧ ನಮ್ಮದಾದರೆ
ಆಹಾ ಎಂತಹ ಆನಂದ....!!!!!!!!!!

ಸ್ಪೂರ್ತಿ

ಅರಳುವ ಹೂವಲ್ಲಿ ನಾ ಕಂಡೆ 
ಒಂದು ನಗುವನ್ನು 
ಆ ನಗುವಿಗೆ ಸ್ಪೂರ್ತಿ ಆ ಗಿಡವು 

ಸುಂದರವಾದ ಹಸಿರು ಹೊಲದಲ್ಲಿ 
ನಾ ಕಂಡೆ ತುಂಬಿ ಬಂದ ಫಸಲು
ಆ ಫಲಕ್ಕೆ ಸ್ಪೂರ್ತಿ ಈ ಭೂಮಿ

ನೀಲಿ ಆಕಾಶದಲ್ಲಿ ನಾ ಕಂಡೆ
ಮಿರಿ ಮಿರಿ ಮಿನುಗುವ ಬೆಳ್ಳಿಮೋಡ
ಆ ಮೋಡಕ್ಕೆ ಸ್ಪೂರ್ತಿ ಆ ನೀಲಿ ಬಾನು

ಫಳ ಫಳ ಹೊಳೆಯುವ ಅಮ್ಮನ ಕಣ್ಣಲ್ಲಿ
ನಾ ಕಂಡೆ ಎಂದೂ ಕಾಣದ ಪ್ರೀತಿ
ಆ ಪ್ರೀತಿಗೆ ಸ್ಪೂರ್ತಿ ಆ ತಾಯಿಯ ಮಮಕಾರ

ಆ ದೇವರ ಸೃಷ್ಟಿಯಲ್ಲಿ ನಾ ಕಂಡೆ
ಈ ಎಲ್ಲ ಪ್ರಕೃತಿಯ ಕೊಡುಗೆ
ಆದರೆ ನನಗೆ ತಿಳಿಯಲಿಲ್ಲ ಯಾರೂ ಇದೆಕೆಲ್ಲ ಸ್ಪೂರ್ತಿ....????

ಪ್ರೀತಿಯೆಂಬ ಭ್ರಮೆ

ನಾ ಅಂದು ಕಂಡೆ ನಿನ್ನ

ಕಣ್ಣಲ್ಲಿ ಮನಸ್ಸಿನ ಪ್ರೀತಿ 
ನಾನಂದುಕೊಂಡೆ ಆ ಪ್ರೀತಿ 
ಸೇರುವುದು ನನ್ನ ಮನಸ್ಸಿನ ಪ್ರೀತಿ 
ಆದರೆ ಗೊತ್ತಾಯ್ತು ನನಗಿಂದು 
ನಾ ಅಂದು ಕಂಡ ಪ್ರೀತಿ 
ನಾನಂದುಕೊಂಡ ಹಾಗೆ ಇಲ್ಲವೆಂದು

ಕಾದಿರುವೆ ನಿನಗಾಗಿ

ಕಾದಿರುವೆ ನಿನಗಾಗಿ ಹಗಲಿರುಳು 
ಬಿಸಿಲೆನ್ನದೆ ಮಳೆಯನ್ನದೆ 
ಕಾಯುತಿರುವೆ 

ಪೂರ್ವದ ಸೂರ್ಯ ಮುಳುಗಿದರೂ 
ಪಶ್ಚಿಮದ ಚಂದ್ರ ಉದಯಿಸಿದರು 
ಅವುಗಳ ಅರಿವು ನನಗಿಲ್ಲ 

ಆಕಾಶದಲ್ಲಿ ತಾರೆಗಳು
ನನ್ನ ನೋಡಿ ನಕ್ಕರೂ
ನನಗಿಲ್ಲ ಯಾವುದೇ ಚಿಂತೆ


ಆದರೆ ಕಾಡುತಿದೆ 
ನನಗೊಂದು ಚಿಂತೆ
ನೀ ಬರುವೆಯ ನಾ ಚಿತೆ
ಏರುವ ಮೊದಲು ಎಂಬ ಚಿಂತೆ 

ಓ ನನ್ನ ಉಸಿರೇ

ನೀ ನನ್ನ ಬಳಿ ಇದ್ದರೆ
ಬಾಗಿಲಿಗೆ ಬೆಸೆದ ಹೊಸ್ತಿಲು
ತೋರಣಕ್ಕೆ ಅಂದ ಕೊಡುವ ಹಸಿರು 
ಕಣ್ಣಿಗೆ ಕಾವಲಿರುವ ರೆಪ್ಪೆ 
ಒಡಲಿಗೆ ಜೀವ ತುಂಬುವ ಉಸಿರು 
ಕಡಲಿಗೆ ಹಿತ ನೀಡುವ ತೀರ
ಇದ್ದಂತೆ

ನೀ ನನ್ನ ಬಳಿ ಇಲ್ಲದಿದ್ದರೆ
ಕರಗುವ ಮಂಜಿನ ಹನಿ
ಬಿಸಿಲಲಿ ಬಾಡುವ ಸುಮ
ನೆರಳನೆ ಕಾಣದ ಲತೆ
ಜೇನಿನಿಂದ ದೂರಾದ ಹೂವು
ಸಿಡಿಲಿನ ಆರ್ಭಟಕ್ಕೆ ಬೆಚ್ಚುವ ಮರ
ಇದ್ದಂತೆ

ಅದಕ್ಕಾಗಿಯೇ ನಾನು
ನನ್ನ ಮನಸೆಂಬ ಕನ್ನಡಿಯಲ್ಲಿ
ನಿನ್ನ ಪ್ರತಿಬಿಂಬ ಶಾಶ್ವತವಾಗಿ
ನೆಲಸಲಿ ಎಂದು ಬಯಸುವೆ
ನೀ ನನ್ನ ಮರೆಯದಿರು
ಓ ನನ್ನ ಜೀವದ ಉಸಿರೇ 

ಏಳು ಬೀಳುಗಳ ಜೀವನ

ಮನಸ್ಸಿನ ಕನ್ನಡಿಯ ಮುಂದೆ 
ಎಲ್ಲರೂ ಸುಂದರ 
ಗಾಜಿನ ಕನ್ನಡಿಯ ಮುಂದೆ 
ಕೆಲವರು ಸುಂದರ 

ದೇವರ ಸೃಷ್ಟಿಯಲ್ಲಿ
ಎಲ್ಲರೂ ಒಂದೇ
ಆದರೆ ಮನುಷ್ಯರ ಮಧ್ಯ
ಕೆಲವರು ಹಿಂದೆ ಮುಂದೆ

ಪ್ರೀತಿಯ ಅಪ್ಪ ಅಮ್ಮನಿಗೆ
ಎಲ್ಲ ಮಕ್ಕಳು ಒಂದೇ
ಆದರೆ ಕೆಲವು ಮಕ್ಕಳಿಗೆ
ದುಡ್ಡು ಮಾತ್ರ ಕಾಣುವುದು ಮುಂದೆ

ಈ ಒಂದೇ ಹಿಂದೆ ಮುಂದೆ
ಮೇಲು ಕೀಳು ಭಾವಗಳ
ಮಧ್ಯೆ ನಮ್ಮ ಬದುಕು ಯಶಸ್ವಿಯಾಗಿ
ಸಾಗುವುದೇ ಮುಂದೆ.....???????? 

ಚಂದ ಚಂದ

ಕಡಲ ನೀರಿಗೆ ಉಕ್ಕಿ 
ಹರಿಯುವ ಅಲೆ ಚಂದ 
ನನ್ನ ಮನದ ಕೊಳದಲ್ಲಿ 
ನಿನ್ನ ಮನ ಹರಿದರೆ ಚಂದ 

ದೇವರ ಪೂಜೆಗೆ ಸುಗಂಧ
ರಾಜ ಹೂವಿನ ಹಾರ ಚಂದ
ನನ್ನ ಕೊರಳಿಗೆ ನೀ ತಂದ
ಮುತ್ತಿನ ಹಾರ ಚಂದ

ಭೂಮಿ ಬೆಳಗಲು ಆ
ಸೂರ್ಯನಿದ್ದರೆ ಚಂದ
ನನ್ನ ಮನೆ ಬೆಳಗಲು
ನಿನ್ನ ಪ್ರೀತಿಯ ಬೆಳದಿಂಗಳು ಚಂದ

ಹಕ್ಕಿಯ ಹಾಡು ಕೇಳಲು ಚಂದ
ಹೂವು ಮುಡಿಯಲ್ಲಿದ್ದರೆ ಚಂದ
ನನ್ನ ಈ ಬಾಳಿಗೆ
ನಿನ್ನ ಒಲುಮೆಯೇ ಚಂದ

ನಿನ್ನ ಪ್ರೀತಿಯ ಮಿಡಿತ

ನಿನ್ನ  ಪ್ರೀತಿಯ ಕರೆಯೋಲೆಗೆ 

ನಾನಾಗುವೆ ಹರಿಯುವ ಪ್ರೇಮಗಂಗೆ 

ನಿನ್ನ ನವಿರಾದ ಸ್ನೇಹಕ್ಕೆ 

ನಾನಾಗುವೆ ಸವಿನೆನಪಿನ ಕಡಲು 

ನಿನ್ನ  ಅಂತರಾಳದ ನೋವಿಗೆ 

ನಾನಾಗುವೆ ಸಂತಸದ  ಚಿಲುಮೆ 

ನಿನ್ನ  ಹೊರಬರದ ಧ್ವನಿಗೆ  

ನಾನಾಗುವೆ ಪಿಸುಗುಡುವ ಸವಿಮಾತು 

ನಿನ್ನ ಮನಸಿನ ಕನಸಿಗೆ 

ನಾನಾಗುವೆ ಭಾವನೆಗಳ ನನಸು 

ನಿನ್ನ ಬಾಳಿನ ಪ್ರತಿ ಹೆಜ್ಜೆಗೂ 

ನಾನಾಗುವೆ ಕಾವಲಿನ ನೆರಳು 

ನಿನ್ನ ನೆನಪ ಕಾಡುತಿದೆ

ಈಗಲೇ ನೆನಪಿಸಿಕೋ ಎನ್ನ ,
ನಾ ಮರೆಮಾಚಿ ಮಾಯವಾಗುವ ಮುನ್ನ .....
ಆಮೇಲೆ ವ್ಯಥೆ ಪಡಬೇಡ ಚಿನ್ನ 
ನೀ ನೆನದರೆ ಎನ್ನ ನನ್ನ ಜೀವನ ಧನ್ಯ


ಮನಸು ಬಿಚ್ಚಿ ನಾ ಹೇಳುವೆ 
ನನ್ನ ಭಾವನೆಗಳು ನೂರು 
ಆ ಸವಿನೆನಪಲ್ಲಿ ನಾ ನಿನಗಾಗಿ 
ಕಟ್ಟುವೆ ಸ್ನೇಹವೆಂಬ ತೇರು 


ನಾನು ಮನಬಿಚ್ಚಿ ಹೇಳುತೀನಿ 
ನೀನು ಕಿವಿಗೊಟ್ಟು ಕೇಳುತೀಯ 
ನಾನೊಬ್ಬಳು ಭಾವಜೀವಿ ಜೊತೆಜೊತೆಗೆ 
ನಿನ್ನ ಸ್ನೇಹಕ್ಕಾಗಿ ಕಾದಿರುವ ಸ್ನೇಹಜೀವಿ 


ತೆರೆದ ಹೃದಯದಲ್ಲಿ ನಿನಗೆ ಹೇಳುವೆ 
ಈಗಲೇ ನೆನಪಿಸಿಕೋ ಎನ್ನ ,
ಕಡೆಯದಾಗಿ ನಾ ಕಣ್ಣು ಮುಚ್ಚಿ 
ಮಣ್ಣಲ್ಲಿ ಮಣ್ಣಾಗುವ ಮುನ್ನ 
ನೀ ನೆನದರೆ ಎನ್ನ ನನ್ನ ಜೀವನ ಧನ್ಯ

ಒಲವಿನ ಬಂಧನ

ನೀ ಆಡಿದ ಆ ಮಾತು ನನಗಾಯಿತು ಸ್ವಾತಿಮುತ್ತು 

ನೀ ನೋಡಿದ ಆ ನೋಟ 

ನನಗಿಂದು ಕೊಡುತಿದೆ ಕಾಟ 

ಓ ನನ್ನ ಪ್ರೀತಿಯೇ ನನಗೆ 

ಎಂದು ದಕ್ಕುವೆ ನೀನು...?????????

ನಿನ್ನ ಪ್ರೀತಿಯ ಮೋಡಿಗೆ 

ಸಿಕ್ಕಿಬಿದ್ದೆ ನಾನು 

ನಿನ್ನ ಮನಸ್ಸಿನ ಮೂಲೆಯಲ್ಲಿ 

ಇದ್ದು ಬಿಡಲೇ ನಾನು..??????

ಸಿಕ್ಕ ಪ್ರೀತಿಯನ್ನು ಬಿಟ್ಟು 

ಸಿಗದೇ ಇರುವದನ್ನು ಹುಡುಕಿ

ಕೊನೆಗೆ ಸಿಗುವುದನ್ನು ಕಳೆದುಕೊಂಡು 

ಕಳೆದುಹೋದ ಪ್ರೀತಿಯ ಬೆಲೆಯನ್ನು 

ಅಳೆಯುವುದು ನ್ಯಾಯವೇ.

ಓ ನನ್ನ ಪ್ರೀತಿಯೇ....?????

ಹಸನ್ಮುಖಿ

ಚಂದಿರನಂತೆ ಮುಖವುಳ್ಳ 

ಹೂವಿನಂತೆ ನಗುವ 

ಆಕಾಶದಂತ ಮನಸುಳ್ಳ 

ಪ್ರೆಮಗಂಗೆಯನ್ನು ಹರಿಸುವ 

ಹಸನ್ಮುಖಿಯೇ ಎಲ್ಲಿರುವೇ.........???????

ನಗೆ

ನೀ ಅಂದು ಚೆಲ್ಲಿದ ಆ ಹೂನಗೆ 


ಇಂದೂ ನನ್ನ ಕಾಡುತಿದೆ 


ಸಾಕು ಆ ನಿನ್ನ ಒಂದು ಹೂನಗೆ 


ನನ್ನ ಈ ಜೀವನದ ಪಾಲಿಗೆ