Thursday 29 June 2017

ಪ್ರೀತಿ

ಮುಂಜಾನೆಯಿಂದ ಮುಸ್ಸಂಜೆವರೆಗೂ 
ಜಗವ ಬೆಳಗುವನು ದಿನಕರ 
ನನ್ನ ಜೀವನದ ಪ್ರತೀಕ್ಷಣವ ನಂದನ 
ಮಾಡುವನು ಪ್ರಿಯಕರ 

ಸ್ವರ

ನನ್ನ ಮನದ ವೀಣೆಯ ನೀ ಮೀಟಿದರೆ 
ಹೊಮ್ಮುವುದು ನಾದಸ್ವರ 
ನಿನ್ನ ಒಲವಿನ ಭಾವಗಳ ನಾ ಪದಗಳಲಿ ಬಂಧಿಸಿದರೆ 
ಚಿಮ್ಮುವುದು ಪ್ರೇಮಸ್ವರ 

ಮಹಲು

ನನಗೆ ಬೇಡ ಯಾವ ತಾಜಮಹಲು 
ಸಾಕೆನಗೆ ನಿನ್ನ ಪ್ರೇಮಭರಿತ ಮನದ ಮಹಲು 

ಭರವಸೆ

ಬರುತ್ತಲೇ ಇರುವುವು ಭರವಸೆಯ ಅಲೆಗಳು 
ಅಲ್ಲಿ ಮುಳುಗು ಎದ್ದರೆ ಹೇಳದೇ ಕೇಳದೆ 
ಅಳಿಸಿ ಹೋಗುವುವು ನೋವಿನ ಕಲೆಗಳು 

Tuesday 27 June 2017

ತೋಚಿದ್ದು ಗೀಚಿದ್ದು

ನೀನ್ಯಾರೋ ನಾನ್ಯಾರೋ ಎಲ್ಲಿದ್ದೆವೋ ಹೇಗಿದ್ದೆವೋ 
ಒಂದೂ ಅರಿಯದ ಮನಗಳೆರಡೂ ಬೆಸೆದುಕೊಂಡಿವೆ 
ಒಂದನ್ನೊಂದು ಬೇರ್ಪಡಿಸಲಾಗದಂತೆ 

ಸಾಕಾಗದ ಸರಸಗಳ ಜೊತೆ ಬೇಕಿರದ ವಿರಸಗಳ ವ್ಯಥೆ 
ಎರಡರ ನಡುವೆ ಸಿಲುಕಿದ ಈ ಬಾಳಲಿ 
ಎಂದೂ ಮುಗಿಯದು ನಮ್ಮಿಬ್ಬರ ಒಲವಿನ ಹಾವಳಿ 

ಇದ್ದರೆ ಪ್ರೇಮದ ಬಾಳಲಿ ಸರಸ ವಿರಸಗಳ ಮಿಶ್ರಣ 
ಎಂದಿಗೂ ಅನಿಸದು ನೀರಸ ಈ ಜೀವನ 

ಕಿತ್ತಾಟಗಳ ಕಿರಿಕಿರಿಯ ಜೊತೆ 
ತುಂಟಾಟ ತರಲೆಗಳ ಮಾತುಕತೆ 
ಎಲ್ಲ ಬೆರೆಸಿ ಆನಂದಿಸುವ ಕ್ಷಣಗಳೆಲ್ಲ 
ರುಚಿಸುವುವು ಜೇನಿನ ಹನಿಯಂತೆ 

ನಾ ತೋಚಿದ್ದು ಗೀಚುವೆ ನೀ ತೋಚಿದ್ದು ಹೇಳುವೆ 
ಎಲ್ಲಿರಲಿ ಹೇಗಿರಲಿ ನಮ್ಮ ಮನಸುಗಳು  
ಪ್ರೇಮವೆಂಬ ಪವಿತ್ರ ಬಂಧನದಲಿ ಸದಾ ಜೊತೆಗಾರರು 
ತಿಂದಷ್ಟು ರುಚಿ ಮಸಾಲೆ ಅನ್ನ 
ಬರೆದಷ್ಟು ಖುಷಿ ನವರಸ ತುಂಬಿದ ಕವನ 

Monday 26 June 2017

ಮುತ್ತಿನ ಚಿಪ್ಪುಗಳು ಬಚ್ಚಿಟ್ಟುಕೊಂಡಿವೆ 
ಸಾಗರದ ಆಳದಲ್ಲಿ 
ನಿನ್ನೊಲವಿನ ಸಿಹಿನೆನಪುಗಳು ಮುತ್ತಿಕ್ಕುತ್ತಿವೆ 
ನನ್ನ ಹೃದಯಾನಂತರಾಳದಲಿ 

Wednesday 21 June 2017

ನೆನಪು

ಆ ಬಾನಂಗಳದಲಿ ಹೊಳೆಯುತಿವೆ ನಕ್ಷತ್ರಗಳು 
ಈ ಮನದಂಗಳದಿ ಕಾಡುತಿವೆ ನಿನ್ನೊಲವಿನ ಸವಿನೆನಪುಗಳು 

ಶುಭೋದಯ

ಅಂಬರದ ನೇಸರ ನಗುತಿಹನು ನಲ್ಬೆಳಗಲಿ 
ಎಡಿಎ ನೋಡುತ ಹೊಮ್ಮುತಿವೆ ನೂರಾರು 
ಭರವಸೆಗಳು ನನ್ನ ಮನದಲಿ 

Tuesday 20 June 2017

ಹೊಂಗಿರಣ

ಭಾವನೆಗಳ ಮೇಲೆ ಉತ್ಸಾಹದ  ಹೊಂಗಿರಣ 
ಸದಾ ಸೋಕುತಿದ್ದರೆ 
ಮೊಗ್ಗಾದ ಅಕ್ಷರಗಳೆಲ್ಲ ಕವನವೆಂಬ ಹೂವಾಗಿ 
ಪರಿಮಳವ ಸೂಸುವುವು 
ನೀಲಿ ಆಕಾಶದಲ್ಲಿ ಚಂದದ ಮೋಡಗಳ ಚಿತ್ತಾರ 
ನನ್ನ ಮನದ ಇಳೆಯಲ್ಲಿ ನಿನ್ನದೇ ಭಾವನೆಗಳ ಅಲಂಕಾರ 

ದೀಪ

ನಿನ್ನ ಒಲವೆಂಬ ದೀಪ ಸ್ವಲ್ಪ ಸೋಕಿದರೂ ಸಾಕು 
ಕತ್ತಲೆ ಆವರಿಸಿರುವ ನನ್ನ ಭಾವನೆಗಳೆಲ್ಲ 
ಕವನಗಳಾಗಿ ಮಿನುಗುವುವು 
ನಿನ್ನ ಪ್ರೀತಿ ಎಂದಿಗೂ ಆರದ ದೀಪ 
ನಾ ಅಲ್ಲಿ ಸದಾ ಮಿನುಗುವ ಒಲವಿನ ಪ್ರತಿರೂಪ 

Thursday 8 June 2017

ಭಾವನೆ

ನಾ ಬರೆದಷ್ಟು ಮೇಲೇರುತಿರುವೆ ನೀ ಬೆಟ್ಟದ ರೀತಿ 
ಹೀಗೆ ಆದರೆ ಕಾಡುತಿಹುದು ಎಲ್ಲಿ ದೂರಾಗುವವೊ 
ನನ್ನ ಭಾವನೆಗಳೆಂಬ ಭೀತಿ 

ಮಾರ್ಗ

ಸಾಧನೆಗೆ ಹುಡುಕದಿರು ಸಂಕ್ಷಿಪ್ತ ಮಾರ್ಗ 
ಕೊರೆಯುತ್ತಾ ಹೋಗು ಶ್ರಮವೆಂಬ ಸುರಂಗ ಮಾರ್ಗ 
ಆಗ ನಿನಗಾಗಿ ಕಾಯುವುದು ಹಾಯಾಗಿ 
ನಡೆಯಲು ಯಶಸ್ಸೆಂಬ ರಾಜಮಾರ್ಗ 
ಒಲವಿನ ಸಿಹಿಮುತ್ತನು ಇಟ್ಟೆ ನೀ ಹಣೆಗೆ 
ಆ ಕ್ಷಣ ಇಂಪಾಗಿ ಹರಿಯುತಿದೆ ನನ್ನ ಬರವಣಿಗೆ 
ಬಿಡದೇ ಕಾಡುವೆ ಏಕೆ ನನ್ನ 
ಕಾದಿರಲು ನಾ ಸೇರಲು ನಿನ್ನ ಒಲವನ್ನ 
ಮನದಿಂದ ಮನಕೆ ಒಲವಿನ ಅಲೆಯ ಸ್ಪರ್ಶ 
ಕ್ಷಣದಿಂದ ಕ್ಷಣಕೆ ತುಂಬಿ ತುಳುಕುತಿದೆ ಹರ್ಷ 

ಬದುಕೊಂದು ಯುದ್ಧ

ಬಾರದ ಭಾವನೆಗಳ ಬರಿಸಿ ಬದುಕುವುದು 
ಬಾಣಗಳಿಲ್ಲದ ಬತ್ತಳಿಕೆಯೊಂದಿಗೆ 
ಯುದ್ಧಭೂಮಿಗೆ ಇಳಿದಂತೆ 

ಭರವಸೆ

ಏರು ಇಳುವಿನ ಬಾಳಲಿ 
ಬರೀ ನೋವನ್ನೇ ಹೇಗೆ ತಾಳಲಿ 
ಶ್ರದ್ಧೆ ಶ್ರಮದಿ ಸಾಗಿದರೆ ನಲಿವಿನ ದಾರಿಯ 
ದೂರ ಮಾಡುವವರು ಯಾರಿಲ್ಲಿ 

ತೇರು

ನೀನೊಂದು ಊರು ನಾನೊಂದು ಊರು 
ಆದರೇನು ಇಲ್ಲವೆ ನಮಗೆ ಪ್ರೀತಿಯ ಸೂರು 
ಅದರಡಿಯಲ್ಲಿ ನಿಂತು ಎಳೆಯೋಣ 
ನಮ್ಮಿಬ್ಬರ ಒಲವಿನ ತೇರು 

ಮಳೆ

ನೀನಿಟ್ಟ ಮುತ್ತಿನ ಹನಿಯೊಂದು ಉದುರಿ ಹೃದಯವೆಂಬ 
ಹಸಿರೆಲೆಯ ತುಂಬಾ ಒಲವಿನ ಮಳೆಯಾಗಿದೆ 

Wednesday 7 June 2017

ಬಿತ್ತನೆ

ನೀ ಬಿಟ್ಟಿದೆ ಪ್ರೀತಿಯ ಬೀಜ 
ನನ್ನ ಹೃದಾಯ್ದ ಇಳೆಯಲ್ಲಿ ಅಂದು 
ಮೊಳಕೆಯೊಡೆದು ಒಲವಿನ ಹೂದೊಟವಾಗಿ 
ಆಗಸದಿ ಚಾಚಿದೆ ಇಂದು 

ಕಾಮನಬಿಲ್ಲು

ನೀ ಬರೆದ ಕಾಮನಬಿಲ್ಲ ನನ್ನೆದೆಯ ಬಾಂದಳದಿ 
ಕಾದಿರುವೆ ನಾ ಬಿಡಿಸಲು ರಂಗೋಲಿಯ 
ನಿನ್ನ ಮನೆಯ ಅಂಗಳದಿ 

ನೋವು

ಮಾತಿನಲಿ ಹೇಳಲಾಗದ ನೋವ ಮೌನ ನುಂಗಿದರೆ 
ಈಡೇರದ ಆಸೆಗಳ ನಿರಾಸೆ ನುಂಗುವುದು 

ನೀನಿಲ್ಲದ ಸಂಜೆ ನನಗದು ಸಜೆ 
ನೀನಿದ್ದ ಕ್ಷಣ ನನ್ನ ಮನವೊಂದು ಹೂಬನ 

ಪ್ರೀತಿ

ನಿನ್ನ ಪ್ರೀತಿಯ ಪರಿಗೆ ಮೂರ್ಛೆ ಹೋದ 
ನನ್ನ ಹೃದಯ ಮತ್ತೆ ಕಣ್ಬಿಟ್ಟು ನೋಡಿದಾಗ 
ನಿನ್ನ ಒಲವಿನ ಕರುಳಲ್ಲಿ ಪುನರ್ಜನ್ಮ ತಾಳಿತ್ತು