Wednesday 28 October 2015

ಸಂಗೀತ ಸುಧೆಯ ಕುಡಿಯುವ ಕಾಲ ಬಂದೇ ಬಿಟ್ಟಿತು 
ಗಾನ ಗಂಗೆಯು ಶ್ರುತಿಯನು ಹೇಳಿಸಿದಳು 
ರಾಗಕ್ಕೆ ತಕ್ಕ ತಾಳವ ಹಾಕುವ ವಿದ್ಯೆಗೆ ಪರಿತಪಿಸುತಿರುವೆ 
ಅದಕ್ಕೆಂದೇ ರಾಗ ತಾಳ ಭಾವಗಳ ಬೆರೆಸಿದ  ನನ್ನ ದನಿಯು 
ಪಲ್ಲವಿ ಅನುಪಲ್ಲವಿಗಳ ಸ್ನೇಹವ ಬಯಸುತಿದೆ 

Sunday 25 October 2015

ಬಯಸಿದೆ ಮನಸು ಸಂಗೀತ ಶಾರದೆಯ ಒಲಿಸಿಕೊಳ್ಳಲು 
ಶುರುವಾಗಲಿದೆ ನನ್ನ ದನಿಯಲ್ಲಿ ನಾದಗಂಗೆಯ ನಾಟ್ಯವು  
ಅದಕ್ಕೆಂದೇ ಕೋರುತಿರುವೆ ನಿಮ್ಮನು ಹರಸಿ ಹಾರೈಸಿ ನನ್ನ ದನಿಯನ್ನು 
ನೋವೆಲ್ಲ ಮರೆಸಿ ಸಂತಸ ಕೊಡುವ ಹಾಡನು ಹಾಡಲು 
ಸಂಗೀತ ಒಲಿಯುವುದೋ ದೂರ ಓಡುವುದೋ ನಾನರಿಯೇ 
ಶ್ರದ್ಧಾ ಭಕ್ತಿಯಲಿ ಕಲಿಯುವೆ ಎಂಬ ಮಾತೊಂದೇ ನಾ ನುಡಿವೆ 

ಬನ್ನಿ ಸರ ಸರ ಆಚರಿಸಲು ದಸರಾ 
ಹಂಚಲು ಬನ್ನಿ ಬಂಗಾರ 
ಜಗಮಗಿಸುತ್ತಿವೆ ಊರೆಲ್ಲ ತಳಿರು ತೋರಣ 
ಬಯಸುತ್ತಿವೆ ಮನಸುಗಳೆಲ್ಲ ಸ್ನೇಹ ಪ್ರೀತಿ 
ಬಾಂಧವ್ಯಗಳ ಮಿಲನ 
ಶುಭವಾಗಲಿ ನಿಮಗೆಲ್ಲ ಸಂತಸ ತುಂಬಿರಲಿ ಬಾಳೆಲ್ಲ 

Monday 19 October 2015

ಸಾವಿರ ಉಳಿಪೆಟ್ಟು ಬಿದ್ದಾಗಲೇ ಒಂದು ಕಲ್ಲು 
ಸುಂದರ ಶಿಲೆಯಾಗುವಂತೆ 
ಈ ಮನಸಿಗೆ ನೋವಿನ ಮೇಲೆ ನೋವು ಆದಾಗಲೇ 
ಸಾಧನೆಯ ಬೆಳಕು ಬೇಗ ಹರಿಯುವುದು 
ನೊಂದ ಮನಸಿಗೆ ನೆಮ್ಮದಿ ಸಿಗುವುದು 

Sunday 18 October 2015

ಪ್ರೀತಿಯಿಂದ ಬರೆಯಬೇಕಿದ್ದ ಕವಿತೆ 
ನೋವಲ್ಲಿ ಕೊನೆಯಾಯಿತೇಕೋ...???????
ಮುಂದೆ ಬರಯುವ ಆಸೆ ಉಳಿಯುವುದೋ 
ಅಳಿಯುವುದೋ ನನಗೆ ತೋಚದೇಕೋ..???

Wednesday 14 October 2015

ಹೊಸ ಆಸೆ ಬರುತಿದೆ ನಿನ್ನೆದೆಯ ಮೇಲೆ ರಂಗೋಲಿಯ ಬಿಡಿಸಿ 
ಬಣ್ಣಗಳಿಂದ ಅಲಂಕರಿಸಿ ಹೂಗಳಿಂದ ಸಿಂಗರಿಸಿ 
ನನ್ನೆಲ್ಲ ಒಲವನ್ನು ಅದರೊಳಗೆ ತುಂಬಿಸಿ ನಿನಗದನು ಉಣಬಡಿಸಿ 
ನನ್ನೆದೆಯ ಗೂಡಲ್ಲಿ ನಿನ್ನ ಬಚ್ಚಿಟ್ಟು ಮುದ್ದಿಸಿ 
ಮತ್ತೆಂದೂ ನೀ ನನ್ನಿಂದ ದೂರಾಗದಂತೆ ಬಿಗಿದಪ್ಪಲು 
ನನ್ನ ಕೊನೇ ಉಸಿರಿರುವ ಕ್ಷಣದಲ್ಲೂ 

ನಾ ಬರೆಯುವ ಕವನಗಳೆಲ್ಲ ನನ್ನ ಮಕ್ಕಳಂತೆ 
ಕೆಲವು ಉದ್ದವಾಗಿ ಬೆಳೆದರೆ ಹಲವು ಕುಳ್ಳಗಿರುವುವು 
ಪ್ರೇಮದ ಬಂಧನ ಕೆಲವರಲ್ಲಿದ್ದರೆ 
ಸ್ನೇಹದ ವಾತ್ಸಲ್ಯವ ಮೆರೆಯುವುವು ಹಲವು 
ನೋವು ಸಂಕಟಗಳ ಸುಂದರವಾಗಿ ಬಿಂಬಿಸುವ 
ಕೌಶಲ್ಯ ಕೆಲವರಿಗಿದ್ದರೆ ಸಂತಸವನ್ನು ತಡೆಯಲಾರದೇ 
ಸರಳ ಶಬ್ಧಗಳಲ್ಲೇ ಹಂಚಿಕೊಳುವ ಆಸೆ ಹಲವರಿಗೆ 
ಮಕ್ಕಳು  ಹೇಗಿದ್ದರೂ ಎಲ್ಲಿದ್ದರೂ ಅವು ಎಂದೆಂದಿಗೂ ಈ ತಾಯಿಯ 
ಪಾಲಿಗೆ ಚಂದನವನದಲ್ಲಿ ಅರಳಿದ ಮುದ್ದು ಕವಿತೆಗಳೇ 

Tuesday 13 October 2015

ಬದುಕಲ್ಲಿ ಬರುವ ಕಷ್ಟಗಳೇ ಶಾಶ್ವತ ಸುಖಕ್ಕೆ ಅಡಿಪಾಯ 
ನನಗಾರು ಇಲ್ಲ ಎನ್ನುವ ಸಂದರ್ಭವೇ ನಿನ್ನ ಮೇಲೆ 
ನಿನಗಿರುವ ನಂಬಿಕೆ ಎಂಬ ಸತ್ವಪರೀಕ್ಷೆಯ ತಳಪಾಯ 
ಕಷ್ಟ ಬಂದಾಗ ಕುಗ್ಗದೇ ಸುಖವು ಬಂದಾಗ ಹಿಗ್ಗದೇ 
ಎರಡನ್ನು ಸಮನಾಗಿ ಸವಿದರೆ ಜೀವನ ಒಂದು ಮೃಷ್ಟಾನ್ನ ಭೋಜನ 

Thursday 8 October 2015

ನನ್ನೊಡಲಲ್ಲಿ ಬೆರೆತಿರುವ ಸ್ನೇಹ ನೀನು 
ನೀನಿಲ್ಲದೆ ಇರಲಾರೆ ನಾನು 
ಮನಸು ನೊಂದು ಬೆಂದು ಕಣ್ಣೀರಿಡುವಾಗಲೆಲ್ಲ 
ಸಂತೈಸಿದ ಮಮತೆಯ ಕಡಲು ನಿನ್ನ ಸ್ನೇಹ 
ಅದಕ್ಕೇ ಏನೋ  ನನಗೆ ಅದರ ಮೇಲೆ ವಿಪರೀತ ಮೋಹ 
ಪ್ರೀತಿಯ ಕೊರತೆಯ ಮರೆಸಿದ ನಿನ್ನ ಸ್ನೇಹಕ್ಕೆ 
ಬಿಡಿಸಲಾರದ ಬಂಧನವಾಗಿಸು ನನ್ನ ಭಾವಕ್ಕೆ 

Wednesday 7 October 2015

ಕೊಚ್ಚೆಯ ಮೇಲೆ ಕಲ್ಲೆಸದರೆ ಆಕಾಶಕ್ಕೆ ಮುಖ ಮಾಡಿ ಉಗಿದರೆ 
ನಮ್ಮ ಮುಖ ಮನಸು ದುರ್ಗಂಧ ಬೀರುವ ಹಾಗೆ 
ಮನುಷತ್ವ ಇಲ್ಲದ ರಾಕ್ಷಸತನ ಕೂಡಿದ ಮನುಷ್ಯರ  ಜೊತೆ ಬೆರೆತಾಗಲೂ 
ನಮ್ಮ ಜೀವಕ್ಕೂ ಜೀವನಕ್ಕೂ ಕೊಳಕು ಅಂಟುವುದು 

Monday 5 October 2015

ಬಣ್ಣ ಬಣ್ಣದ ಭಾವನೆಗಳ ನಡುವೆ ಸಣ್ಣ ಸಣ್ಣ ಆಸೆಗಳು ಚಿಗುರುತ್ತಿವೆ 
ಬಾಳನ್ನು  ಭಾವ ಗೀತೆಯಂತೆ ರಚಿಸುವ ಯತ್ನ ಮಾಡುತಿರುವೆ 
ಪ್ರೀತಿಯೆಂಬ ರಾಗಕ್ಕೆ  ಸ್ನೇಹವೆಂಬ ತಾಳವ ಬೆರೆಸಿದರೆ ವಿಶ್ವಾಸವೆಂಬ 
ಭಾವವು ಹೊರ ಹೊಮ್ಮುವುದೇನೋ ಎಂಬ ನಿರೀಕ್ಷೆಯಲ್ಲಿದ್ದೇನೆ 
ಆಗ ಸುಮಧುರವಾಗಿ  ಹರಿಯುವುದು  ಬಾಳೆಂಬ ಭಾವಗೀತೆ 

Sunday 4 October 2015

ಪ್ರೀತಿಯ ಕಮಲ ಕಮರುವ ಸಮಯದಿ 
ಬಂದಿದೆ ಒಂದು ಸ್ನೇಹದ ಮಲ್ಲಿಗೆ 
ಘಮ್ಮೆನ್ನುತ್ತಿದೆ ನೋವು ತಿಂದ ಮನಸಿಂದು ಆ ಪರಿಮಳದಲ್ಲಿ 
ಹೊಸ ಆಸೆಯೂ ಚಿಗುರಿತಿದೆ ಬದುಕಲಿ 
ನೋವೆಲ್ಲಾ ಮರೆಯಾಗುತಿದೆ ಆ ಸ್ನೇಹದ ಸೆಳೆತದಲ್ಲಿ