Sunday 29 March 2015

ಬಾಳಿನ ಎಲ್ಲಾ ದಾರಿಗಳು ಮುಚ್ಚಿರಲು 
ಮನಸೆಂಬ ಮಂಟಪವು ಕುಸಿಯುವುದು 
ವೇದನೆಯ ಸಾಗರದಲಿ ಮನವು ಮುಳುಗಿರಲು  
ಉಸಿರಾಡುವ ಆಸೆಯೇ ಕುಗ್ಗುವುದು 
ಕೊಚ್ಚಿ ಹೋಗುವೆ ಎಂಬ ಹೆದರಿಕೆಯ ಹಿಮ್ಮೆಟ್ಟಿ ಮುನ್ನುಗ್ಗಿದರೆ 
ಎಲ್ಲಾದರೂ ಒಂದು ಉತ್ಸಾಹದ ಚಿಗುರು ಹುಟ್ಟುವುದು 

Wednesday 18 March 2015

ಸಿಡಕ್ ಮೂತಿ ಸಿದ್ದ 
ಸಿಡಕಬೇಡ  ಹಗಲಗಲ 
ನೀ ಸಿಡಕಿದ್ರೆ ಹಿಂಗ ನಿಂಗ ನಷ್ಟ ಬಾಳ 
ಒದ್ದಾಡಬೇಡ  ಆಮ್ಯಾಲ 
ನನ್ನದಲ್ಲದ ನಿನ್ನ ಅಂದವ ನನ್ನದು ಎಂದುಕೊಂಡರೇನು ಚೆನ್ನ 
ಸೌಂದರ್ಯ ಸವೆಯುವ ಆಸೆಯಿಂದ  ನಾ ನಿನ್ನಲ್ಲಿ ಬಂದೆ 
ಆ ಕ್ಷಣ ನೀನಿಲ್ಲದಿರುವುದ ಕಂಡು ನಾ ನೋವಲಿ ಬೆಂದೆ 
ನೋವು ತಾಳಲಾರದೆ ಹೊರಟು ನಿಂತ ನನ್ನ ಮತ್ತೆ 
ಕಟ್ಟಿ ಹಾಕಿತು ನಿನ್ನ ಚೂಪಾದ ಮುಳ್ಳು ಓ ಗುಲಾಬಿಯೇ 

Friday 6 March 2015

ಹಾಡುವ ಆಸೆಯಾಗಿದೆ ಕೋಗಿಲೆಯೇ ನನಗೂ ನಿನ್ನಂತೆ 
ಆದರೆ ಧ್ವನಿಯಲ್ಲಿ ಮಾಧುರ್ಯವಿಲ್ಲ 
ನಾಟ್ಯವಾಡುವ ಮನಸಾಗಿದೆ ನವಿಲೇ ನನಗೂ ನಿನ್ನಂತೆ 
ಆದರೆ ಚಂದದ ಸುಂದರ ಗರಿಗಳಿಲ್ಲ 
ನಾದವ ಹೊರಡಿಸುವ ಆಸೆಯಾಗಿದೆ ವೀಣೆಯೇ ನನಗೂ ನಿನ್ನಂತೆ 
ಆದರೆ ಮೀಟಲು ನನ್ನಲ್ಲಿ ತಂತಿಗಳಿಲ್ಲ 
ಬೇಡವೆಂದರೂ ಬರುವ ಈ ಆಸೆಗಳ ತಡೆಯುವ ಹಂಬಲ ನನಗೆ 
ಆದರೆ ತಡೆಯುವ ಶಕ್ತಿ ಇಲ್ಲ 

Wednesday 4 March 2015

ಭಾವನೆಗಳು ಬತ್ತದೆ ಕನಸು ಸಾಯದೆ 
ಜೀವನವೆಂಬ ಹೋರಾಟ ಮುಗಿಯುವುದೇ...???

Tuesday 3 March 2015

ಚಿಗುರಾಗಲಿ ಮೊಗ್ಗಾಗಲಿ ಅದು ಬಳ್ಳಿಗೆ ಸ್ವಂತ 
ಹೂವಾಗಿ ಹಣ್ಣಾಗಿ ಅರಳಿದ ಮೇಲೆ ಪರರಿಗೆ ಸ್ವಂತ 
ನಾನು ನನ್ನದು ಎಂದು ಪರಿತಪಿಸುವ ಮನುಜ
ಈ ಸತ್ಯವೇಕೆ ಅರಿಯನೋ ನಾ ಅರಿಯೇ