Friday 26 May 2017

ತೋಚದೆ ಗೀಚಿದೆ

ಭಾವನೆಗಳ ಬರ ಬರುವ ಬದಲು 
ಕವಿತೆಗಳ ಕಲ್ಪನೆ ಕರಗುವ ಮೊದಲು 

ಗೀಚುವ ಗೋಳು ಗೊಣಗುವ ಮುನ್ನ 
ರಚಿಸಬೇಕಿದೆ ನವರಸ ತುಂಬಿದ ಕವನವನ್ನ 

ಯಾರು ಕೇಳುವರೋ ಏನು ತೋಚದೇ 
ಕಂಗಾಲಾಗಿರುವ ನನ್ನ ಪರಿತಪಿಸುವ ಪರಿಯನ್ನ 

Tuesday 2 May 2017

ಬರೆಯಲಾಗದ ನೋವು

ಬರೆದು ಬರೆದು ಸಾಕಾದ ಮನಸು ಬೇಯುತಿದೆ ಬೇಸಿಗೆಯಲಿ 
ಒಂದೋ ಎರಡೋ ಭಾವನೆಗಳು ಮೂಡಿದರೆ ಸಾಕು 
ಸ್ವಚ್ಛಂದವಾಗಿ ಹರಿಯುವುವು ಪದಗಳು ತಾಳೆಗರಿಯಲಿ 

ನಾ ಬರೆಯಲಾರೆ ಏನನ್ನೂ ನನಗಾಗಿ 
ಬಯಸದೇ ಬಂದ ಭಾವನೆಗಳು ಬರೆಸುತಿವೆ ಕವನಗಳ 
ಸೇರಿಸಿ ಎಲ್ಲ ಸಾಲುಗಳನು ಒಂದಾಗಿ 

ಮೂಡುವುವು ಆಸೆಗಳು ನೂರಾರು 
ಹುಡುಕುವೆನು ಬರೆಯಲು ಪದಗಳ ಸಾವಿರಾರು 
ಆಸೆಯೆಂಬ ಆನೆಯ ಏರಲು ಬೇಕಿದೆ ಪದಗಳ ಏಣಿ 
ಸಾಗುವುದು ಆಗ ಸುಂದರ ಕಾವ್ಯದ ದೋಣಿ