Tuesday 2 May 2017

ಬರೆಯಲಾಗದ ನೋವು

ಬರೆದು ಬರೆದು ಸಾಕಾದ ಮನಸು ಬೇಯುತಿದೆ ಬೇಸಿಗೆಯಲಿ 
ಒಂದೋ ಎರಡೋ ಭಾವನೆಗಳು ಮೂಡಿದರೆ ಸಾಕು 
ಸ್ವಚ್ಛಂದವಾಗಿ ಹರಿಯುವುವು ಪದಗಳು ತಾಳೆಗರಿಯಲಿ 

ನಾ ಬರೆಯಲಾರೆ ಏನನ್ನೂ ನನಗಾಗಿ 
ಬಯಸದೇ ಬಂದ ಭಾವನೆಗಳು ಬರೆಸುತಿವೆ ಕವನಗಳ 
ಸೇರಿಸಿ ಎಲ್ಲ ಸಾಲುಗಳನು ಒಂದಾಗಿ 

ಮೂಡುವುವು ಆಸೆಗಳು ನೂರಾರು 
ಹುಡುಕುವೆನು ಬರೆಯಲು ಪದಗಳ ಸಾವಿರಾರು 
ಆಸೆಯೆಂಬ ಆನೆಯ ಏರಲು ಬೇಕಿದೆ ಪದಗಳ ಏಣಿ 
ಸಾಗುವುದು ಆಗ ಸುಂದರ ಕಾವ್ಯದ ದೋಣಿ 

No comments: