Thursday 27 April 2017

ನೀ ಆಗಸದಲ್ಲಿ ಅಡಗಿದ ಕವಿತೆ
ನಾ ಭೂಮಿಯಲ್ಲಿ ಗೀಚುತಿರುವ ಕವಿ
ನೀನಿಲ್ಲದ ಈ ಕ್ಷಣ ಬಿಸಿಲಲಿ 
ಬೆಂದ ಇಳೆಯಂತಾಗಿದೆ ನನ್ನ ಮನ
ನೀನೆಂದೂ ಮುಗಿಯದ ಕವನ
ನಾನೆಂದೂ ತೀರದ ಭಾವನೆ
ಎಲ್ಲ ನೋವನ್ನೂ ಮರೆಸುವುದು ಸಂಗೀತ
ಅದ ಕೇಳುತಿದ್ದರೆ ಮೈಮನವೆಲ್ಲ ತಕಧಿಮಿತ

Monday 24 April 2017

ನೀನಿಲ್ಲದೆ ಬರೆದ ನನ್ನ ಕವಿತೆ ನಶ್ವರ 
ಇನ್ನೇಕೆ ಹುಡುಕಲಿ ಬೇರೆ ಅಕ್ಷರ 
ನೀ ಆಗಸದಲ್ಲಿ ಅಡಗಿದ ಕವಿತೆ 
ನಾ ಭೂಮಿಯಲ್ಲಿ ಗೀಚುತಿರುವ ಕವಿ 

Monday 17 April 2017

ಪ್ರೀತಿಯ ಲಾಲಿ

ನಿನ್ನ ಕರಗಳು ಬಿಡಿಸಿವೆ ಪ್ರೀತಿಯ ರಂಗೋಲಿ 
ನನ್ನ ಮನದಂಗಳದಲಿ 
ಅದ ನೋಡುತ ನೋಡುತ ಜಾರಿದೆ ನಿದ್ದೆಗೆ 
ಕೇಳುತಾ ನಿನ್ನಯ ಲಾಲಿ 

Thursday 6 April 2017

ಕವಿತೆಯೇ ನನ್ನುಸಿರು

ಬರೆದ ಕವಿತೆ ಮರೆತು ಮರೆಯಾದರೆ 
ಬರೆಸಿದ ಭಾವನೆಯ ಬಸಿರು ಬರಿದಾದಂತೆ 
ಬಸಿರೇ ಇಲ್ಲವಾದರೆ ಕವನವೆಂಬ ಕುಡಿಯು ಕಮರುವುದು 
ಕುಡಿಯೇ ಕಮರಿದ ಮೇಲೆ ನಿಲ್ಲುವುದೇ ಉಸಿರು 

Tuesday 4 April 2017

ಕವಿತೆ ಹಣತೆ

ಬರೆದಷ್ಟು ಬೆಳೆಯುವುದು ಕವಿತೆ 
ಎಣ್ಣೆ ಇದ್ದಷ್ಟು ಉರಿಯುವುದು ಹಣತೆ 
ಹಣತೆಯಿದ್ದರೆ ಬೆಳಗುವುದು ಬಾಳು 
ಕವಿತೆಯಿದ್ದರೆ ಹೊಮ್ಮುವುವು ಮನದ ಗೋಳು 
ಗೋಳುಗಳ ಮದ್ಯೆ ಸಿಕ್ಕಿದ ಬಾಳು ಕೇಳುತಿದೆ  
ಹಣತೆ ಕವಿತೆಗಳ ಸಂತೆಯಲ್ಲಿ ಸಿಕ್ಕಿರುವೆ 
ಒಂದ ಬಿಟ್ಟು ಮತ್ತೊಂದು ಅಗಲಿದರೆ 
ಗೋಳು ತುಂಬಿದ ಬಾಳಿಗೆ ಮತ್ಯಾರು ಆಸರೆ 

Sunday 2 April 2017

ಖಾಲಿ ಮನ

ಖಾಲಿ ಹಾಳೆಯ ಮೇಲೆ ಗೀಚಿದ ಪದಗಳೆಲ್ಲ ಕವಿತೆಯಾಗದು 
ಖಾಲಿ ಮನದಲಿ ಆಡಿದ ಮಾತುಗಳಿಗೆ ಅರ್ಥವಿರದು 
ಮಾತು ತೂಕವಿರಲು ಪದವು ಕವನವಾಗಲು 
ಬೇಕೊಂದು ಭಾವನೆ  ಭರವಸೆ ತುಂಬಿದ ಮನ 
ಆಗ ಸರಾಗವಾಗಿ ಹರಿಯುವುದು ಅರ್ಥಪೂರ್ಣ 
ಸಾಲುಗಳ ತುಂಬು ಮನಸಿನ ಮಾತಿನ ಕವನ