ಓ ನನ್ನ ಉಸಿರೇ

ನೀ ನನ್ನ ಬಳಿ ಇದ್ದರೆ
ಬಾಗಿಲಿಗೆ ಬೆಸೆದ ಹೊಸ್ತಿಲು
ತೋರಣಕ್ಕೆ ಅಂದ ಕೊಡುವ ಹಸಿರು 
ಕಣ್ಣಿಗೆ ಕಾವಲಿರುವ ರೆಪ್ಪೆ 
ಒಡಲಿಗೆ ಜೀವ ತುಂಬುವ ಉಸಿರು 
ಕಡಲಿಗೆ ಹಿತ ನೀಡುವ ತೀರ
ಇದ್ದಂತೆ

ನೀ ನನ್ನ ಬಳಿ ಇಲ್ಲದಿದ್ದರೆ
ಕರಗುವ ಮಂಜಿನ ಹನಿ
ಬಿಸಿಲಲಿ ಬಾಡುವ ಸುಮ
ನೆರಳನೆ ಕಾಣದ ಲತೆ
ಜೇನಿನಿಂದ ದೂರಾದ ಹೂವು
ಸಿಡಿಲಿನ ಆರ್ಭಟಕ್ಕೆ ಬೆಚ್ಚುವ ಮರ
ಇದ್ದಂತೆ

ಅದಕ್ಕಾಗಿಯೇ ನಾನು
ನನ್ನ ಮನಸೆಂಬ ಕನ್ನಡಿಯಲ್ಲಿ
ನಿನ್ನ ಪ್ರತಿಬಿಂಬ ಶಾಶ್ವತವಾಗಿ
ನೆಲಸಲಿ ಎಂದು ಬಯಸುವೆ
ನೀ ನನ್ನ ಮರೆಯದಿರು
ಓ ನನ್ನ ಜೀವದ ಉಸಿರೇ