ಸ್ಪೂರ್ತಿ

ಅರಳುವ ಹೂವಲ್ಲಿ ನಾ ಕಂಡೆ 
ಒಂದು ನಗುವನ್ನು 
ಆ ನಗುವಿಗೆ ಸ್ಪೂರ್ತಿ ಆ ಗಿಡವು 

ಸುಂದರವಾದ ಹಸಿರು ಹೊಲದಲ್ಲಿ 
ನಾ ಕಂಡೆ ತುಂಬಿ ಬಂದ ಫಸಲು
ಆ ಫಲಕ್ಕೆ ಸ್ಪೂರ್ತಿ ಈ ಭೂಮಿ

ನೀಲಿ ಆಕಾಶದಲ್ಲಿ ನಾ ಕಂಡೆ
ಮಿರಿ ಮಿರಿ ಮಿನುಗುವ ಬೆಳ್ಳಿಮೋಡ
ಆ ಮೋಡಕ್ಕೆ ಸ್ಪೂರ್ತಿ ಆ ನೀಲಿ ಬಾನು

ಫಳ ಫಳ ಹೊಳೆಯುವ ಅಮ್ಮನ ಕಣ್ಣಲ್ಲಿ
ನಾ ಕಂಡೆ ಎಂದೂ ಕಾಣದ ಪ್ರೀತಿ
ಆ ಪ್ರೀತಿಗೆ ಸ್ಪೂರ್ತಿ ಆ ತಾಯಿಯ ಮಮಕಾರ

ಆ ದೇವರ ಸೃಷ್ಟಿಯಲ್ಲಿ ನಾ ಕಂಡೆ
ಈ ಎಲ್ಲ ಪ್ರಕೃತಿಯ ಕೊಡುಗೆ
ಆದರೆ ನನಗೆ ತಿಳಿಯಲಿಲ್ಲ ಯಾರೂ ಇದೆಕೆಲ್ಲ ಸ್ಪೂರ್ತಿ....????