ಏನು ಉಡುಗೊರೆ ಕೊಡಲಿ ನಾ ನಿನಗೆ....??

ನಿನ್ನಯ ಒಲವಿಗೆ ಉಡುಗೊರೆಯಾಗಿ
ನಾನೇನು ಕೊಡಲಿ ಗೆಳೆಯ
ನನ್ನ ನೋವಿನ ಕಣ್ಣೀರನ್ನು
ನಿನ್ನ ಪ್ರೀತಿಯ ಪನ್ನೀರಲ್ಲಿ ತೇಲಿಸಿದೆ

ಕಲ್ಲಂತೆ ಇದ್ದ ನನ್ನ ಮನಸಲ್ಲಿ
ಭಾವನೆಗಳ ಜೊತೆಯಲ್ಲಿ ಕನಸನ್ನು
ತುಂಬಿ ನಿನ್ನ ಪ್ರೇಮದ ಕಾರಂಜಿಯಲ್ಲಿ
ನನ್ನ ನೆನೆಯುವಂತೆ ಮಾಡಿದೆ

ನಿನ್ನ ಪ್ರೀತಿಯ ಅಪ್ಪುಗೆಯ
ಬಂಧನದಿಂದ ನನ್ನ ಬಂಧಿಸಿ
ನಿನ್ನ ಕರಗಳಿಂದ ನನ್ನ ಕಣ್ಣೀರನ್ನು
ಕರಗಿಸಿ ಪ್ರೀತಿಯ ಮುತ್ತನ್ನು ಹರಿಸಿದೆ

ನಿನ್ನ ಪ್ರೀತಿಯ ಪರಿಯ ಏನೆಂದು
ಬಣ್ಣಿಸಲಿ ನಾನು ಪದಗಳೇ ಸಾಲದಾಗಿದೆ
ನನಗೇನು ತೋಚದೆ ಈ ಕವನವನ್ನೇ
ಉಡುಗೊರೆಯಾಗಿ ನೀಡುತಿರುವೆ

ನೂರಾರು ಬಣ್ಣದ ಕನಸನ್ನು ಒಂದೇ
ಕವಿತೆಯಲಿ ಹೇಳಲು ಸಾದ್ಯವೇ
ನಿನ್ನ ಒಲವಿನ ಧಾರೆಗೆ ಕವಿತೆಯಾಗಿ
ನಾನು ಹರಿದಿರುವೆ ಸ್ವೀಕರಿಸು ಗೆಳೆಯ