ಚುಟುಕು ಕವನಗಳು

ಲೇಖನಿ
************
ಕೈಯಲ್ಲಿ ಹಿಡಿದರೆ ಲೇಖನಿ
ಮೂಡುವುದು ಅಕ್ಷರದ ಖನಿ
ಕೈಯಲ್ಲಿ ಹಿಡಿದರೆ ಲೇಖನಿ
ಮೂಡುವುದು ಚಿತ್ತಾರದ ಗಣಿ

ಅತ್ತೆ
********
ನನ್ನ ಮುದ್ದಿನ ಅತ್ತೆ
ಅವಳು ನಕ್ಕರೆ ಬೀಳುವುದು
ಮುತ್ತಿನ ಕಂತೆ
ನನ್ನ ಮುದ್ದಿನ ಅತ್ತೆ
ಅವಳು ಸಿಟ್ಟಾದರೆ ಬೀಳುವುದು
ಬೈಗುಳದ ಕಂತೆ

ಗುಲ್ಲು
********
ನನ್ನ ತಂಗಿಗೆ ನಾನಿಟ್ಟಿರುವ ಹೆಸರು ಗುಲ್ಲು
ಅವಳಿದ್ದರೆ ನನ್ನ ಬಾಳು ಹಸಿರು ಹುಲ್ಲು
ಅವಳಿಲ್ಲದಿದ್ದರೆ ನನ್ನ ಬಾಳು ಗಟ್ಟಿ ಕಲ್ಲು

ಕೋಗಿಲೆ
**********
ಕುಹೂ  ಕುಹೂ ಹಾಡುವೆ ನೀ ಕೋಗಿಲೆ
ನನಗೆ ಯಾವಾಗ ಕಲಿಸುವೇ ನೀ ಹೇಳೆಲೆ
ಕುಹೂ  ಕುಹೂ ಹಾಡುವೆ ನೀ ಕೋಗಿಲೆ
ನನಗೂ ಕಲಿಸಲು ಬೇಗನೆ ನೀ ಬಾರೆಲೇ

ಆಸರೆ
*********
ರವಿಗೆ ಆಕಾಶವೇ ಆಸರೆ
ಶಶಿಗೆ ರವಿಯೇ ಆಸರೆ
ಆದರೆ ಶಶಿಯೇ ನನಗೆ
ನಿನ್ನ ಬೆಳದಿಂಗಳೇ ಆಸರೆ

ಪ್ರೀತಿ
********
ಬಾಳಲ್ಲಿ ಇರಬೇಕು ಪ್ರೀತಿ
ಅದೇ ನಮ್ಮ ಬಳಿಗೆ ಸ್ಪೂರ್ತಿ
ಬಾಳಲ್ಲಿ ಇದ್ದರೆ ಪ್ರೀತಿ
ಆಗುವುದು ನಮ್ಮ ಬಾಳು ನಿರ್ಭೀತಿ

ಸ್ನೇಹ-ಪ್ರೀತಿ
*****************
ಸ್ನೇಹಕ್ಕೆ ಶರಣಾಗದವರಿಲ್ಲ
ಪ್ರೀತಿಗೆ ಸೋಲದವರಿಲ್ಲ
ಸ್ನೇಹ ಪ್ರೀತಿ ಅನುಭವಿಸುವರ
ಬಾಳು ಹಸನಾಗದಿರುವುದಿಲ್ಲ