ನೆನಪಿನ ಮೋಡಗಳು

ಚದುರಿದ ಮೋಡಗಳಂತೆ ಆಗಿವೆ 
ನನ್ನ ಮನಸಲಿ ನೆಲೆಸಿದ ನಿನ್ನ ನೆನಪುಗಳು 

ಏಕೆ ಹೀಗೆ ಮಾಡಿದೆ ನೀ ನನಗೆ 
ನೀ ಅಗಲಿದ ಕ್ಷಣವೇ ಛಿದ್ರಗೊಂಡಿದೆ ನನ್ನೀ ಹೃದಯ 

ನಾ ನಿನಗೆ ಕುಡಿಸಿದ ಒಲವಾಮೃತಕೆ 
ನೀ ಕೊಟ್ಟ ವಿರಹ ಸುಖವೇ ಉಡುಗೊರೆಯೇ 

ಅಳಲಾರದೆ ನಗಲಾರದೆ ಮೌನವಾಗಿರುವೆ ನಾ ಇಂದು 
ಮನಸಾರೆ ನಂಬಿ ನಿನ್ನ ಪ್ರೀತಿಸಿದ್ದಕ್ಕೆ ನಾ ಅಂದು 

ಮರಳಿ ಬೇಕೆನಗೆ ನಿನ್ನ ಸವಿನೆನಪುಗಳಿಂದ 
ಒಂದಾದ ಬೆಳ್ಳಿಮೋಡಗಳು 

ಬೇಗನೆ ಮಳೆ ಸುರಿದು ಕರಗಲಿ ಕಹಿನೆನಪುಗಳಿಂದ 
ಕೂಡಿದ ಕಾರ್ಮೋಡಗಳು