ನಿನ್ನ ನೆನಪು

ಹೀಗೇಕೆ ಮೌನವಾಗಿರುವೆ ಗೆಳೆಯ ಮಾತಿಲ್ಲದೆ 
ಈ ಗೆಳತಿಯ ನೆನಪಿಲ್ಲವೇ

ನಿನ್ನೊಲುಮೆಯ ಕರೆಯ ಕೇಳದೆ 
ನಿನ್ನೊಡನೆ ಮಾತಾಡದೆ ನನ್ನ ಧ್ವನಿ ನನಗೆ ಮರೆತಂತಿದೆ 

ನೀ ಪಿಸುಗುಟ್ಟಿದ ಪ್ರತೀ ಸವಿಮಾತು 
ಸ್ವಾತಿಮುತ್ತಂತೆ ನನ್ನ ಸುತ್ತಲೇ ಸುತ್ತುತ್ತಿದೆ 

ಬೇಡವೆಂದರೂ ಬರುತಿದೆ ನಿನ್ನ ನೆನಪು 
ಬಂದು ಕಾಡುತಿದೆ ಪ್ರತಿಕ್ಷಣವೂ 

ತುಂತುರು ಮಳೆಯಂತೆ ಸವಿಯಬೇಕೆಂದಿರುವೆ 
ನಿನ್ನ ಆ ಚಂದ ನೆನಪುಗಳನು 

ಧಾರಾಕಾರ ಮಳೆಯಲಿ ಕೊಚ್ಚಿಹೋಗುವ ಹಾಗೆ 
ಮಾಡದಿರು ನನ್ನ ಭಾವನೆಯನು 

ಈ ಮೌನವ ತಡೆಯಲು ನನಗಿಲ್ಲ ಶಕ್ತಿ 
ಹೇಗಾದರೂ ಕೊಟ್ಟುಬಿಡು ಈ ವಿರಹದಿಂದ ಮುಕ್ತಿ