ಹರಿಯುವ ಪ್ರೀತಿ

ಹರಿಯುವ ನದಿಯಂತೆ ಸದಾ 

ಹರಿಯುತಿದೆ ನಿನ್ನ ಪ್ರೀತಿ 

ನಿಂತ ನೀರಂತೆ ನಿನ್ನಲ್ಲೇ ಇದ್ದರೆ 

ನನಗಿಲ್ಲ ಯಾವುದೇ ಭೀತಿ 

ಬಾಳೆಂಬ ಈ ಬಂಧನದಲ್ಲಿ ನೀನೆ ನನ್ನ ಜಗತ್ತು 

ನಿನ್ನ ಬಿಟ್ಟು ಬೇರಾರು  ಇಲ್ಲ ನನ್ನ ತಾಕತ್ತು 

ನೀ  ನುಡಿವ ಮಾತೆಲ್ಲವ ಮುತ್ತುಗಳಿಂದ ಪೋಣಿಸಿ 

ಮಧುರ ಸಂಗೀತವಾಗಿ  ಪರಿವರ್ತಿಸುವ ಆಸೆ ಎನಗೆ 

ನಿನ್ನ ಪ್ರೀತಿಯ ಉಯ್ಯಾಲೆಯಲಿ ಸದಾ ಜೀಕುತಾ 

ನನ್ನ ಜೀವನದ ಪ್ರತಿಕ್ಷಣ ನಿನ್ನೊಡನೆ ಬೆರೆತರೆ ಸಾಕೆನಗೆ  

ಇದ್ದರೂ ಬಿದ್ದರೂ ಸೋತರೂ ಗೆದ್ದರೂ 

ಏನಾದರೂ ಬಿಡಲಾರೆನು ನಾ ನಿನ್ನ 

ತೆರೆದು ನಿನ್ನ ಹೃದಯ ಕದವ ಶಾಶ್ವತವಾಗಿ 

ಬಂಧಿಸಿಬಿಡು ಓ  ನನ್ನ ಚಿನ್ನ