ನೀ ನಡೆವ ದಾರಿಯಲ್ಲಿ ಹೂನಗೆಯು ಸದಾ ಅರಳಿರಲಿ 
ನೀ ನುಡಿವ ಸ್ವರದಲ್ಲಿ ಸಂಗೀತವು ತುಂಬಿ ಹರಿಯಲಿ 
ಏನೇನೋ ಬಯಸುವ ಮನಸು
ಆಸೆಗಳೆಲ್ಲ ಕೈಗೂಡಿದರೆ ಎಂತಹ ಸೊಗಸು 

ವಿಧಿಯಾಟದ ಬುಟ್ಟಿಯಲ್ಲಿ ಸಿಹಿಯನ್ನು ಹೆಕ್ಕಿ 
ಕಹಿಯನ್ನು ಕುಟ್ಟುವ ಸೌಭಾಗ್ಯ ನನಗಿಲ್ಲ 
ಆಗಿದ್ದು ಆಗಲಿ ಸಿಕಿದ್ದು ಸಿಗಲಿ ನನಗಿಲ್ಲ ರೋದನೆ 
ನೀ ಸನಿಹವಿಲ್ಲ ಎಂಬುದೊಂದೇ ನನ್ನ ವೇದನೆ 

ನಿನ್ನ ಕಣ್ಣ ನೋಟದಲ್ಲಿ ಸದಾ ನನ್ನ ಬಿಂಬ ಕಾಣುತಿರಲಿ 
ನನ್ನ ಬಾಳಿನ ಕೊನೆವರೆಗೂ ನಿನ್ನ ನೆನಪು ಕಾಡುತಿರಲಿ 
ಅಲ್ಲಿಯವರೆಗೂ ನಾ ಬರೆಯುತಿರುವೆ ಒಲವಿನ ಕವನ 
ಅದು ನಿನ್ನ ಮನ ತಟ್ಟಿದರೆ ನನ್ನ ಬದುಕು ಪಾವನ