ನಾ ತಿರುವುತಿದ್ದೆ ಪುಟಗಳನು ಒಂದಾದ ಮೇಲೊಂದರಂತೆ 
ಬಿಚ್ಚಿಡುತ್ತಾ ಹೋಯಿತು ನೂರಾರು ಭಾವಗಳನು ಆ ಪುಸ್ತಕವು 
ಪ್ರತೀ ಪುಟದಲ್ಲಿಯೂ ಬಿಂಬಿತವಾಗಿದೆ ನೋವು ನಲಿವುಗಳ ತಲ್ಲಣ 
ಓದುವ ಪ್ರತೀಕ್ಷಣ ಆಗುವುದು ಮನದಲ್ಲಿ ರೋಮಾಂಚನ 
ಹಸಿವಿನ ಅರಿವಿಲ್ಲ ನಿದ್ದೆಯ ಸುಳಿವಿಲ್ಲ ಪುಸ್ತಕದೇ ರಾಜ್ಯಭಾರ ಮನದಲ್ಲಿ 
ಸಿಲುಕಿರುವೆ ನೈಜ ಜೀವನದ ಚಿತ್ರಿಸುವ ಕಲೆಯ ಸುಳಿಯಲ್ಲಿ 
ಕೊನೆಪುಟವ ಓದಿ ಮುಗಿದಮೇಲೆಯೇ ತೀರಿತು ದಾಹ 
ಏನು ಮೋಡಿ ಮಾಡಿ ಹೋಯಿತೋ ಆ ಪುಸ್ತಕದ ಮೋಹ