ಮೌನದಿ ಬರೆದ ಒಲವಿನ ಅಕ್ಷರ

ಅರಿಯದೆ ಬಂದ ನೀನು ನನ್ನ 
ಪೂರ್ಣ ಮನವನ್ನು ಆವರಿಸಿರುವೆ 
ಕರೆಯದೆ ಬಂದ ನೀನು ನನ್ನ 
ಕಿವಿಯಲ್ಲಿ ಪಿಸುಗುಡುವ ಧ್ವನಿಯಾಗಿರುವೆ 
ಹೇಳದೆ ನುಗ್ಗಿದ ನೀನು ನನ್ನ 
ಜೀವನದ ಆಸರೆಯಾಗಿ ಹೋಗಿರುವೆ 

ನನ್ನ ತನು ಎಲ್ಲಿದ್ದರೂ ಸರಿಯೇ 
ಮನ ಮಾತ್ರ ನಿನ್ನ ಸುತ್ತ ತಿರುಗುತ್ತಲೇ ಇಹುದು 
ಏನು ಮೋಡಿ ಮಾಡಿ ಹೋದೆಯೋ ಏನೋ 
ನಿನ್ನ ನೋಡಿದ ಕ್ಷಣದಲ್ಲೇ ನನ್ನ ಮಾತೆಲ್ಲ ಮೌನವಾಯಿತು 
ಭಾವನೆಗಳ ಸಂಗಮವಾಗಿ ಬರೀ ಮನವೇ ಮಾತಾಡಿತು 

ಈ ಮೌನದ ಅಕ್ಷರಗಳ ನಿನಗೆಂದೇ ಬರೆಯುತಿರುವೆ 
ಬೇಗ ಬಂದು ಜೋಡಿಸು ಬಾರಾ 
ಮಾಡೊಂದು ಪ್ರೀತಿಯ ಅಕ್ಷರಗಳ ಸುಂದರ ಹಾರ