Monday 16 September 2013

ನನ್ನ ಮಲ್ಲಿಗೆ

ಧರೆಯ ಮೇಲೆ ಹುಟ್ಟಿ ಅಂಬರದಲ್ಲಿ ಚಾಚಿ 
ಕೈಗೆಟುಕದಷ್ಟು ಮೇಲೆ ಹೋಗಿದೆ 
ನಿನ್ನ ಕಾಂತಿ ಮತ್ತು ಕಂಪು 
ಅಂದಕ್ಕೂ ನೀನೆ ಪೂಜೆಗೂ ನೀನೆ 
ಪ್ರೀತಿಗೂ ನೀನೆ ಸ್ನೇಹಕ್ಕೂ ನೀನೆ 
ಓ ನನ್ನ ಮಲ್ಲಿಗೆಯೇ 

ಎಂತಹ ನೋವಿನಲ್ಲೂ ನಾ ನಿನ್ನ ಕಂಡರೂ 
ಶ್ವೇತ ವರ್ಣದ ನಿನ್ನ ದುಂಡು ಮುಖವ 
ನೋಡಿ ಕಂಪನ್ನು ಸವಿದರೆ ಸಾಕು 
ಮನದ ಚೆಂತೆಯಲ್ಲ ಮಂಜಿನಂತೆ ಕರಗಿಸಿಬಿಡುವೆ 
ಓ ನನ್ನ ಮಲ್ಲಿಗೆಯೇ 

ಪ್ರೇಮ ನಿವೇದನೆಗೆ  ಬೇಕು ನೀನೆ 
ವಿವಾಹ ಬಂಧನಕೇ ಬೇಡುವರು ನಿನ್ನನ್ನೇ 
ಸೂರ್ಯನ ಬೆಳಕಿಗೆ ಸೂರ್ಯನೇ ಸಾಟಿಯಂತೆ 
ಚಂದ್ರನ ಕಾಂತಿಗೆ ಚಂದ್ರನೇ ಸಾಟಿಯಂತೆ 
ಹಾಗೆ ನಿನ್ನ ರೂಪಕ್ಕೆ ಕಂಪಿಗೆ ನೀನೆ ಸಾಟಿ 
ಓ ನನ್ನ ಮಲ್ಲಿಗೆಯೇ 

No comments: