ಬರಹದ ಹಣ

ಬರೆದಂತೆ ಬದುಕುವುದು 
ನುಡಿದಂತೆ ನಡೆಯುವುದು 
ಎಲ್ಲರೂ ಹೇಳುವಂತೆ ಕಷ್ಟ 
ಏಕೆಂದರೆ ಯಾರೂ ಕೇಳರು ನಮ್ಮ ಇಷ್ಟ 

ತೋಚಿದ್ದು ಗೀಚಿದ ಸಾಲುಗಳು 
ಭರವಸೆಯ ಬೆಳಕಾಗುವುದು ಕೆಲವರಿಗೆ 
ನಿರೀಕ್ಷಿಸದೇ ಕಣ್ಣಿಗೆ ಬಿದ್ದ ಸಾಲುಗಳು 
ಬದಲಾವಣೆಗೆ ಹಾದಿಯಾಗುವುದು ಹಲವರಿಗೆ 

ಬರವಣಿಗೆಯಿಂದ ಸಿಗದಿರಬಹುದು ಭಾರಿ ಹಣ
ಆದರೆ ತಿದ್ದಿದೆ ದಾರಿ ತಪ್ಪಿದ ಎಷ್ಟೋ ಮನಗಳ ಗುಣ 
ಭೂಮಿ ಮೇಲಿನ ಯಾರ ಕಲೆಯೂ ಕೀಳಲ್ಲ 
ದುಡ್ಡು ಬರುವ ಕಲೆಯೊಂದೇ ಶ್ರೇಷ್ಠವಲ್ಲ 

ಎಲ್ಲ ಕಲೆಯಲ್ಲೂ ಅಡಗಿಹಳು ಶಾರದೆ 
ಅದ ಗುರ್ತಿಸದೆ ಸೋತಿಹರು ಆಕೆಯ ಕಾಣದೆ 
ಶ್ರದ್ಧೆ ಭಕ್ತಿ ಶ್ರಮದಿ ಪೋಷಿಸು ನಿನ್ನ ಕಲೆಯ 
ಕೈ ಹಿಡಿದು ಕರುಣಿಸುವಳು ನಿನಗೊಂದು ನೆಲೆಯ