ಪದಗಳಲ್ಲೇ ಎಷ್ಟೆಂದು ಬಿಂಬಿಸಲಿ ಈ ಭಾವನೆಗಳನು 

ಖಾಲಿಯಾದವೇನೋ ಎಂಬ ದುಗುಡ ನನ್ನ ಮನದಲ್ಲಿ 
ಶಬ್ದಗಳನ್ನೇ ಹುಚ್ಚಿಯಂತೆ ಹುಡುಕುತಿರುವೆ ಭಂಡಾರದಲ್ಲಿ 

ನವ ಪದಗಳ ಸೃಷ್ಟಿಸಲು ಕೊಟ್ಟಿಲ್ಲ ಶಕ್ತಿ ಎನಗೆ ಶಾರದೆಯು 
ಹುಡುಕಾಟದಲ್ಲೇ ಸೋತು ಸುಣ್ಣವಾದೇ ನಾ ಇಂದು 

ಚಿತ್ರವಾದರೂ ಬರೆಯೋಣ ಎಂದೆನಿಸುತ್ತಿದೆ ಈ ಮನಕೆ 
ಪದಗಳಲಿ ಪೋಣಿಸುವ ಕಲೆಯು ಬಣ್ಣಗಳ ಲೋಕದಲ್ಲೂ 
ಕೈಹಿಡಿವುದೇ ಎಂಬ ಅನುಮಾನ ಒಂದು ಕಡೆ 
ಹೊಸದೇನಾದರೂ ಕಲಿಯುವ ಆಸೆ ಮತ್ತೊಂದು ಕಡೆ 

ಯಾರಿಗೆ ಗೊತ್ತು ತಾಯಿ ನಿನ್ನ ಲೀಲೆ 
ಈ  ಮಗಳಿಂದು ಬೇಡುತಿಹಳು ನಿನ್ನ ಕೃಪೆಯ 
ಹರಸಮ್ಮ ನನ್ನ ಸಿಗಲೆಂದು  ಚಿತ್ರಬಿಡಿಸುವ ಕಲೆಯ