ಬೀಳ್ಕೊಡುಗೆ

**********************************************************
ಸುಂದರ ಹೂವಿನ ಹಾಗೆ ಮುಖ ಅರಳಿಸಿ 
ಸದಾ ಮೊಗದಲ್ಲಿ ಮುಗುಳ್ನಗೆ ಬೀರುತ್ತಾ 
ದಿನ ಆರಂಭಿಸಿ ಎಲ್ಲರ ಪ್ರೀತಿಯ ಗಳಿಸುತ್ತಾ 
ಎಲ್ಲರ ಹೃದಯದಲ್ಲಿ ಮನೆ ಮಾಡಿದ ನೀವು 
ಇಂದು ವಿಶ್ರಾಂತಿಯ ಜೀವನಕ್ಕೆ ಕಾಲಿಡುತ್ತಿದ್ದೀರಿ 

ಈ ಕ್ಷಣ ನನ್ನ ಬಾಳಿನ ದೊಡ್ಡ ನೋವಿನ ಕ್ಷಣ 
ಏಕಾದರೂ ಈ ಸಮಯ ಬಂತೋ ನಾ ಅರಿಯೆ 
ಬೇಡವೆಂದರೂ ಬರುತ್ತಿದೆ ದುಃಖದ ನೀರು ಕಣ್ಣೊಳಗೆ 
ಆದರೂ ಇದ ಬದಲಾಯಿಸಲು ಆಗದು ನನಗೆ

ಬಂದೇ  ಬಿಟ್ಟಿತು ನಿಮ್ಮನ್ನು ಅಗಲುವ ದಿನ 
ಆಗಲಿ ನಿಮಗೆ ಇಂದಿನಿಂದ ಪ್ರತಿದಿನವೂ ಶುಭದಿನ 
ಹಾರೈಸುವೆ ನಾ ನಿಮಗೆ ಈ ಕ್ಷಣ 

ಸದಾ ನಿಮ್ಮ ಮೊಗದಲ್ಲಿ ತುಂಬಿರಲಿ ಹೂನಗೆ 
ತೋಚುತ್ತಿಲ್ಲ ಏನು ಉಡುಗೊರೆ ಕೊಡಲಿ ನಾ ನಿಮಗೆ 
ಉಡುಗೊರೆಯಾಗಿ ಬರೆದಿರುವೆ ಈ ಕವನ
ಖುಷಿ ತುಂಬಿದ ನಂದನವಾಗಲಿ ನಿಮ್ಮ ಜೀವನ