ಮೇಘಗಳ ಮಿಲನ

ಎಡೆಯಿಲ್ಲದೆ ಸುರಿಸುತ್ತಿವೆ ಮಳೆಯನ್ನು 
ಆ ಮೇಘಗಳು ಹೇಳುತ್ತಿರುವುದಾದರೂ ಏನು 

ಪ್ರೀತಿಯ ಮಳೆಯ ಬಯಸಿದೆ ಈ ಧರೆಯು 
ಬಹು ಪ್ರೀತಿಯಿಂದ ಬಿತ್ತಿರುವರು ಬೀಜಗಳನ್ನು 
ಜೋಪಾನವಾಗಿ ಬಿಗಿದಪ್ಪಿರುವಳು ಭೂತಾಯಿಯು 

ಆಗಸವು ಕಳಿಸಿದೆ ಇಳೆಗೆ ಮೇಘ ಸಂದೇಶವ 
ಕಾಯುತಿರುವಳು ಭೂತಾಯಿಯೂ ಮೇಘಗಳ ಮಿಲನವ 
ಆ ಮಿಲನದ ಫಲವೇ ಭೂತಾಯಿಯ ಮಡಿಲಲ್ಲಿ 
ಹುಟ್ಟುವುವು ಮನುಜರ ಹೊಟ್ಟೆ ತುಂಬುವ ಫಲವು 

ಓ ಮೇಘವೇ ಓಡೋಡಿ ಬಾ ನೀ ಈ ಇಳೆಗೆ 
ಹಸಿದ ಹೊಟ್ಟೆಯ ತುಂಬಿಸು ಬಾ 
ತನ್ನ ಮಕ್ಕಳ ಚಿಂತೆಯಲ್ಲಿರುವ ಭೂತಾಯಿಗೆ 
ನೆಮ್ಮದಿಯ ನೀಡಲು ನೀ ಬೇಗನೆ ಬಾ ಮೇಘವೇ