Wednesday 16 January 2013

ಪ್ರೀತಿ ಮತ್ತು ವಿರಹ

ನಿನ್ನ ಸನಿಹವೆಷ್ಟು ಸುಂದರ  ಗೆಳೆಯ 
ನೀ ನಗಲು ಹೂವು ಕಂಡಂತೆ  
ನೀ ನುಡಿಯಲು ಮಧುರ ಸಂಗೀತದಂತೆ 
ಬಳಿ ನೀ ಬರಲು ಮಿಂಚು ಹರಿದಂತೆ 

ನನ್ನ ಸೆಳೆಯಿತು ನಿನ್ನ ಕಣ್ಣೋಟ 
ನಿನ್ನಲ್ಲಿ ಬೆರೆಯಿತು ನನ್ನ ಉಸಿರಾಟ 
ನೀ ಸುರಿಸುವ ಒಲವಿನ ಮಳೆಗೆ 
ಪ್ರೀತಿಯಾಗಿದೆ ನನ್ನ ಹೃದಯದ ಇಳೆಗೆ  

ನಿನ್ನ ಸ್ನೇಹದ ಪರಿಯೇನು ಪ್ರೀತಿಯ ಭಾವವೇನು 
ನನ್ನ ಬಾಳಲ್ಲಿ ತಂಗಾಳಿ ಬೀಸುತಿರುವೆ  
ಕನಸಲಿ ಬಂದು ಕಾಡುತಿರುವೆ 
ಮನಸಿನ ಆಸೆಯ ಕಲಕುತಿರುವೆ 

ನಿನ್ನಲ್ಲಿ ಕಳೆದ ಸುಮಧುರ ಕ್ಷಣಗಳ 
ಮತ್ತೆ ಮತ್ತೆ ನೆನೆಯುವ ಆಸೆ ನನ್ನದು 
ಸ್ವಪ್ನದಲ್ಲಿ ಕಂಡ ನಿನ್ನ ಮಡಿಲಲ್ಲಿ 
ಮತ್ತೆ ಮತ್ತೆ ಮಲಗುವಾಸೆ ನನ್ನದು 

ನನ್ನಿಂದ ದೂರಗದಿರು ಗೆಳೆಯ  
ನಾ ಕಳೆದುಕೊಲ್ಲಲಾರೆ ನಿನ್ನ ಸನಿಹ
ಬೀಸುವ ಗಾಳಿಯಂತೆ ನೀ ಓಡಬೇಡ 
ವಿರಹದಲ್ಲಿ ನನ್ನ ಬೇಯಿಸಿ ಕೊಲ್ಲಬೇಡ  




No comments: