ವಿಷಾದವಿಲ್ಲದೆ ನಡೆದಿದ್ದನ್ನು ಸ್ವೀಕರಿಸು 
ವಿಶ್ವಾಸದಿಂದ ವಾಸ್ತವವನ್ನು ನಿರ್ವಹಿಸು 
ಭಯಪಡದೇ ಭವಿಷ್ಯವನ್ನು ಎದುರಿಸು 

ಕತ್ತಲು ಎನ್ನುವುದು ಬೆಳಕಿನ ವಿರೋಧಿಯಲ್ಲ ಕೇವಲ 
ಬೆಳಕಿನ ಅನುಪಸ್ಥಿತಿಯಷ್ಟೇ ಅಂತೆಯೇ  
ಸಮಸ್ಯೆ ಎನ್ನುವುದು ಯೋಜನೆಗಳ ಅನುಪಸ್ಥಿತಿಯೇ 
ಹೊರತು ಪರಿಹಾರದ ಅನುಪಸ್ಥಿತಿಯಲ್ಲ 

ನನ್ನ ಮೌನವೇ ನನ್ನ ನೋವಿನ ಪ್ರತಿರೂಪ 
ಅದು ಮಾಡುವುದಿಲ್ಲ ಯಾರಮೇಲೂ ಆರೋಪ 
ಸಮಯ ಸಾಗಿದಂತೆ ಕರಗುವುದು ನೋವು 
ತಾಳ್ಮೆಯಿಂದ ಬಾಳಿದರೆ ಆ ನೋವಿಗೂ ಬರುವುದು ಸಾವು 
ನೋವಿಗೆ ಸಾವು ಬಂದಮೇಲೆ ಎಲ್ಲಿರುವುದು ಸೋಲಿನ ದುಃಖ 
ಮೌನಕ್ಕೆ ಶರಣಾದ ಮನಸಿಗೆ ಸಿಕ್ಕೇ ಸಿಗುವುದು ಗೆಲುವಿನ ಸುಖ 

ನಾಟ್ಯಸರಸ್ವತಿ ಶಾಂತಲೆ ನೀನೆಷ್ಟು ಕೋಮಲೆ 
ಅಂದದಲ್ಲಿ ಅಪ್ಸರೆ ಗುಣದಲ್ಲಿ ಶಾರದೆ 
ನಿನ್ನ ಓದಿದ ನನ್ನ ಮನತುಂಬಾ ಕಾಡುತಿದೆ ನಿನ್ನ ಕಲೆ 
ಕಾದಿರುವೆ ನೋಡಲು ನಿನ್ನ ಸೌಂದರ್ಯದ ಸೆಲೆ 
ಬೇಗನೆ ಕರೆಸಿಕೋ ಸುಂದರ ಶಿಲೆಗಳ ನಾಡಿಗೆ 

ಬರೆದು ಬರೆದು ಬರಿದಾಗಿದೆ ಕಲ್ಪನೆಯ ಕಡಲು 
ಏನು ಮಾಡಿದರೂ ಬರಿದಾಗದು ಭಾವನೆಗಳ ಒಡಲು 
ಅದಕಾಗಿಯೇ ಸದಾ ಬಯಸುವೆ ಕವನದ ಮಡಿಲು 

ಯಶಸ್ವಿ ಮದುವೆ ಎನಿಸುವುದು  
ಒಂದು ಪರಿಪೂರ್ಣ ಜೋಡಿ ಒಟ್ಟಾಗಿದ್ದಾಗಲ್ಲ 
ಒಂದು ಅಪೂರ್ಣ ಜೋಡಿ ತಪ್ಪುಗಳನ್ನು ಆನಂದಿಂದ ಆಸ್ವಾದಿಸಿ ತಿದ್ದುವುದನ್ನು ಕಲಿತಾಗ 

ಜೀವನದಲ್ಲಿ ತುಂಬಾ ಭಾವನಾತ್ಮಕವಾಗಿದ್ದರೆ 
ನೋಯುವುದು ನಿನ್ನ ಮನ 
ಅದೇ ಜೀವನದಲ್ಲಿ ಪೂರ್ತಿ ಪ್ರಾಯೋಗಿಕವಾಗಿದ್ದರೆ 
ನೋಯುವುದು ಪರರ ಮನ 

ತಾತ್ಕಾಲಿಕ ಭಾವನೆಗಳ ಜೊತೆ ಒದ್ದಾಟ 
ಶಾಶ್ವತ ನಿರ್ಧಾರಗಳ ಪರದಾಟ 
ಎರಡರ ನಡುವೆ ಜೀವನದ ಹೋರಾಟ