ಜೀವನ ಎಂದರೆ ಒಂದು ಪ್ರಯಾಣ 
ಅಲ್ಲಿರುವುದು ಸುಖ ದುಃಖಗಳೆಂಬ ನಿಲ್ದಾಣ 
ಸುಖ ಬಂದಾಗ ಹಿಗ್ಗಿ ನಿಲ್ಲುವೆ 
ದುಃಖ ಬಂದಾಗ ಕುಗ್ಗಿ ನಿಲ್ಲುವೆ 
ಹಾಗೆ ನಿಂತರೂ ಸ್ವಲ್ಪ ಹೊತ್ತು ಮಾತ್ರವೇ 
ಹೊರತು ಇಲ್ಯಾವುದು ಶಾಶ್ವತವಲ್ಲ 
ಹುಡುಕಿದರೆ ಸಿಗುವುವು  ನೂರಾರು ನೋವುಗಳು 
ಮಾಡಿದರೆ ಆಗುವುವು ಸಾವಿರಾರು ಸಾಧನೆಗಳು 
ಬಿಟ್ಟು ಸಾಧಿಸಿದರೆ ಎಲ್ಲರ ಮೇಲಿನ ನಿರೀಕ್ಷೆ 
ಇಡೀ ಜಗತ್ತೇ ಮಾಡುವುದು ನಿನ್ನ ಸಾಧನೆಗಳ ಸಮೀಕ್ಷೆ 

ನಿನ್ನ ನಗುವೆಂಬ ಹೂವನ್ನು ಮುಡಿಯುವಳು ನಾನೇ 
ಆ ಹೂವಿಗೆ ಭಾವಗಳ ದಾರವ ಕಟ್ಟುವವಳೂ ನಾನೇ 
ನಾ ಬರೆದ ಪದಗಳನ್ನೆಲ್ಲ ಪೋಣಿಸಿ ಹಾರವ ಮಾಡುವವನು ನೀನೇ 
ಆ ಹಾರದ ನಡುವೆ ನಾವಿಬ್ಬರೂ ಬಂಧಿಯಾದರೆ 
ಸಾಟಿಯಾಗದೂ ಯಾವ ಹೂವಿನ ಮಾಲೆಯೂ 
ಅಂತಹ ಪರಿಮಳ ಬೀರುವುದು ನನ್ನ ನಿನ್ನ ಒಲವಿನ ಹಾರವೂ 

ಪುಸ್ತಕಗಳೆಂದೂ ಕೇವಲ ಪುಟ ಮತ್ತು ಶಬ್ಧಗಳಿಂದ ಮಾಡಲ್ಪಟ್ಟಿಲ್ಲ 
ಅವು ಹೊಸ ಕನಸು, ಭರವಸೆ ಮತ್ತು ಸಾಧ್ಯತೆಗಳಿಂದ ಕೂಡಿರುತ್ತವೆ

ಒಂದು ಛತ್ರಿಗೆ ಮಳೆಯನ್ನು ನಿಲ್ಲಿಸುವ ಶಕ್ತಿ ಇಲ್ಲದಿದ್ದರೂ 
ನಮ್ಮನ್ನು ಮಳೆಯಲ್ಲಿ ನಿಲ್ಲುವಂತೆ ಮಾಡುವುದು 
ಹಾಗೆ ವಿಶ್ವಾಸ ಎನ್ನುವುದು ಜೀವನದಲ್ಲಿ ಯಶಸ್ಸು ತರದಿದ್ದರೂ 
ಸವಾಲುಗಳನ್ನು ಎದುರಿಸಲು ಶಕ್ತಿ ಕೊಡುವುದು 

ಒಂದು ಛತ್ರಿಗೆ ಮಳೆಯನ್ನು ನಿಲ್ಲಿಸುವ ಶಕ್ತಿ ಇಲ್ಲದಿದ್ದರೂ 
ನಮ್ಮನ್ನು ಮಳೆಯಲ್ಲಿ ನಿಲ್ಲುವಂತೆ ಮಾಡುವುದು 
ಹಾಗೆ ವಿಶ್ವಾಸ ಎನ್ನುವುದು ಜೀವನದಲ್ಲಿ ಯಶಸ್ಸು ತರದಿದ್ದರೂ 
ಸವಾಲುಗಳನ್ನು ಎದುರಿಸಲು ಶಕ್ತಿ ಕೊಡುವುದು 

ನಾ ನಿನ್ನ ಕಂಡ ಮೊದಲ ಕ್ಷಣ ಹೆದರಿದ್ದೆ ನಿನ್ನ ಭೇಟಿಗೆ 
ನಾ ನಿನ್ನ ಭೇಟಿಯಾದ ಮೊದಲ ಕ್ಷಣ ಹೆದರಿದ್ದೆ ನಿನ್ನ ಸ್ಪರ್ಶಕ್ಕೆ 
ನಾ ನಿನ್ನ ಸ್ಪರ್ಶಿಸಿದ ಮೊದಲ ಕ್ಷಣ ಹೆದರಿದ್ದೆ ನಿನ್ನ ಪ್ರೀತಿಗೆ 
ಆದರೀಗ ನಾ ನಿನ್ನ ಪ್ರೀತಿಸುತ್ತಿದರೂ ಬಳಲುತಿರುವೆ ನಾ 
ನಿನ್ನ ಕಳೆದುಕೊಳ್ಳುವೆನೋ ಏನೋ ಎಂಬ ಹೆದರಿಕೆಯಿಂದ 

ಪುಸ್ತಕಗಳು ಬುದ್ಧಿ ಎಂಬ ನಿಧಿಗೆ ಬೀಗದ ಕೈಯಂತೆ 
ಪುಸ್ತಕಗಳು ಸಂತೋಷವೆಂಬ ಭೂಮಿಗೆ ಬಾಗಿಲುಗಳಂತೆ 
ಪುಸ್ತಕಗಳು ಮೇಲ್ಮುಖವಾಗಿ ಬೆಳೆಯಲು ದಾರಿಯಿದ್ದಂತೆ 
ಪುಸ್ತಕಗಳು ಸ್ನೇಹಿತರಿದ್ದಂತೆ ಬನ್ನಿ ಅವುಗಳನು ಓದಿ ಬೆರೆಯೋಣ 
ನಾವು ಓದುತ್ತಾ ಪರರರಿಗೂ ಓದುವಂತೆ ಮಾಡೋಣ 
ಜ್ಞಾನದ ನಿಧಿಯ ಹಂಚಿಕೊಂಡು ಎಲ್ಲರೂ ಸಹಬಾಳ್ವೆಯ ನಡೆಸೋಣ

ನೀ ಓದಿದ ಅಂಶವ ನೀನೇ ಪ್ರತಿಬಿಂಬಿಸದಿದ್ದರೆ 
ನೀ ತಿಂದ ಆಹಾರವ ನೀನೇ ಜೀರ್ಣಿಸಿಕೊಳ್ಳದಂತೆ 

ಕೇಳುತಿದೆ ನನಗೊಂದು ಕವಿವಾಣಿ 
ಆದ ಹೇಳುತಿದೆ ನನಗೊಬ್ಬ ಸಿಗುವನು ಸಂಗೀತ ಪ್ರೇಮಿ 
ಆತನ ಕವಿತೆಗೆ ನಾನಾಗಬೇಕಂತೆ ಹಿನ್ನಲೆ ದನಿ 
ಕವಿತೆ ಬರೆಯುವ ಕೈಗಳಿಗೆ ಗಾಯನದ ಯೋಗ ಸಿಕ್ಕರೆ 
ಆ ತಾಯಿ ಶಾರದೆ ಹರಸುವಳೇ ಈ ದನಿಯ 
ಆಶೀರ್ವಾದ ನೀಡದೆ ಬಿಡೆನು ನಾನು ಆ ವಾಣಿಯ 

ಜೀವನವೊಂದು ಪುಸ್ತಕದಂತೆ 
ಕೆಲವು ಅಧ್ಯಾಯ ದುಃಖದಿಂದಿದ್ದರೆ 
ಕೆಲವು ಅಧ್ಯಾಯ ಸಂತಸದಿಂದಿರುತ್ತವೆ 
ಸುಮಾರು ಉತ್ತೇಜಕವಾಗಿರುತ್ತವೆ 
ಆದರೆ ನೀನು ಪುಟಗಳನ್ನೇ ತಿರುವದಿದ್ದರೆ 
ನಿನಗೆಂದು ತಿಳಿಯದು ಮುಂದೇನಿದೆಯೆಂದು 
ದುಃಖದಿಂದ ಕುಗ್ಗದೆ ಖುಷಿಯಿಂದ ಹಿಗ್ಗದೇ 
ಪ್ರತೀ ಪುಟವೂ ನಿನ್ನದೇ ಎಂದು ನಡೆಸು ಜೀವನ 
ಆಗ ನಿನ್ನ ಹುಟ್ಟಾಗುವುದು ಪಾವನ 

ಬಯಸುತಿದೆ ನನ್ನ ಮನವು ನನ್ನ ನಾ ಹುಡುಕಲು 
ನಿನ್ನ ವಿಶಾಲ ಹೃದಯದಲ್ಲಿ 
ಅದು ಭಾವನೆಗಳಿಂದ ಕೂಡಿದ ಕವಿತೆಯೋ 
ನಕ್ಷತ್ರಗಳಿಂದ ತುಂಬಿದ ಆಕಾಶವೋ 
ಅಥವಾ ನಿನ್ನ ಪ್ರೇಮಕಥೆಯನ್ನು ಪೂರ್ಣಗೊಳಿಸಲು 
ಹರಿದು ಬರುವ ಕೇವಲ ನನ್ನ ಒಲವೋ ನಾ ಅರಿಯೆ 
ನಿನ್ನಲ್ಲಿ ನಾ ಯಾವುದೇ ರೂಪದಲ್ಲಿದ್ದರೂ ಸರಿಯೇ 
ಇರದು ನನಗೆ ಯಾವುದೇ ವಿರಹದ ಬೇಸರ 
ಸದಾ ತುಂಬಿದೆ ನನ್ನ ಮನದಲ್ಲಿ ನಿನ್ನ ಸನಿಹವೆಂಬ ಕಾತರ 

ನನ್ನ ಭಾವನೆಗಳ ಬತ್ತಳಿಕೆಯು  ಬರಿದಾಗುತ್ತಿದೆ 
ಅದಕೇ ಏನೋ ಕವನಗಳ ಕೆತ್ತನೆಯೂ ಕುಂದುತ್ತಿದೆ 
ಏನು ಮಾಡುವುದೋ ಕಾಣೆನು 
ಕವನ ಬರೆಯದೇ ನಾ ಬಾಳೆನು 
ದೂರ ಓಡದಿರು ಓ ನನ್ನ ಕವನ 
ನೀ ಇಲ್ಲವಾದರೆ ಸಾಗದು ನನ್ನ ಜೀವನ 

ಸಮಸ್ಯೆ ಎನ್ನುವುದು ನಿರೀಕ್ಷೆ ಮತ್ತು ವಾಸ್ತವಗಳ ನಡುವಿನ ಅಂತರ 
ಅದಕೇ ಕಡಿಮೆ ನಿರೀಕ್ಷಿಸಿ ವಾಸ್ತವವನ್ನು ಸ್ವೀಕರಿಸು 
ಅಥವಾ ಅತೀ ನಿರೀಕ್ಷೆಯನ್ನು ಕೆಚ್ಛೆದೆಯಿಂದ ವಾಸ್ತವವನ್ನಾಗಿ ಪರಿವರ್ತಿಸು 

ಭಾವನೆಗಳನು ಕವನದಲ್ಲಿ ಬಂಧಿಸುವ 
ಕಲೆ ಮಾತ್ರ ಇರುವಳು ನಾನು 
ನಿನ್ನ ಭಾವನೆಗಳ ಜೊತೆಗೆ ನನ್ನ ಮನಸನ್ನು 
ಕೆತ್ತುವ ಮಹಾ ಚಿತ್ರಕಾರ ನೀನು 

ಓದಿನ ಹಸಿವನ್ನು ತಣಿಸಲು ಇಲ್ಲಿದೆ ಒಂದು ಉಪಹಾರ ಭವನ 
ಅದೇ ಕನ್ನಡ ಕಾದಂಬರಿ ಕೂಟವೆಂಬ ಜ್ಞಾನದ ಭವನ 
ಸಿಗುತ್ತೆ ಇಲ್ಲಿ ಹತ್ತಾರು ಬರಹಗಾರರ ನೂರಾರು ಪುಸ್ತಕಗಳು 
ಬೇಕಾದನ್ನು ಆರಿಸಿ ಮೆದುಳು ಮನಸನ್ನು ತುಂಬಿಸಿ ಆನಂದಿಸಿ 
ಕರಗುವುದಿಲ್ಲ ಇಲ್ಲಿ ತಿಂದ ಆಹಾರ 
ಜೊತೆಗೆ ಮುಗಿಯುವುದೂ ಇಲ್ಲ ಓದಿನ ದಾಹ 
ಓದುತ್ತಲೇ ಇರುವೆವು ನಾವು ಈ ವೇದಿಕೆಯಲ್ಲಿ 
ಅದಕ್ಕೆಂದೇ ಬೀಗುತಿಹುದು ಈ ಭವನ ಸಾರ್ಥಕತೆಯಲ್ಲಿ 

ಮನಸಿನಾಳದ ನೋವಿಗಿಂತ ಬದುಕಿನಾಳದ ನಂಬಿಕೆ ಮುಖ್ಯ 
ನೋವನ್ನು ಹಿಮ್ಮೆಟ್ಟಿ ಛಲದಿಂದ ಬದುಕಿದರೆ ನಾಚುವುದು ಆ ಸ್ವರ್ಗ 
ಸದಾ ನಗು ನಗುತಾ ಇರುವುದು ನಿನ್ನ ನೋಡಿ ಬಾಳಿನ ನಿಸರ್ಗ