ನಿದ್ದೆಯ ಮಂಪರಲ್ಲಿದ್ದೆ ಎಲ್ಲಿ ಗುನುಗುತ್ತಿತ್ತೋ ನಿನ್ನ ನಿನಾದ 
ಥಟ್ಟನೆ ನೆಟ್ಟಗಾದವು ಕಿವಿಗಳೆರಡು ದೂರ ಓಡಿದಳು ನಿದ್ರಾದೇವಿಯು 
ಏನು ಶಕ್ತಿಯೋ ನಿನ್ನ ದನಿಯಲ್ಲಿ ಎದ್ದು ಸವಿದೆ ಸುಂದರ ಪ್ರಕೃತಿಯನಿಲ್ಲಿ 
ಮನದ ಭಾರವೆಲ್ಲ ಕ್ಷಣದಲ್ಲಿ ಕರಗಿತು 
ಹೊಸ ಭರವಸೆಯೊಂದು ಮನದಲ್ಲಿ ಮೂಡಿತು 
ನೋವು ದುಃಖವೆಲ್ಲ ಮರೆತೆ ನವದಿನದ ಪ್ರಾರಂಭ ಅರಿತೆ 
ನೋವು ಮರೆಸಿ ಮಂದಹಾಸ ಮೂಡಿಸಿದ ಕೋಗಿಲೆಗೆ 
ಮನದುಂಬಿ ಅರ್ಪಿಸುವೆ ನಮನ ಅದಕ್ಕೆಂದೇ ಬರೆದೆ ಈ ಕವನ