ಒಲವಿನ ಓಲೆಯ ಎಷ್ಟೆಂದು ಬರೆಯಲಿ 
ಬರೆದು ಬರೆದು ಬೇಸರವಾಗಿದೆ ನನ್ನ ಹಾಳೆ ಶಾಯಿಗೆ 
ಆದರೂ ಮುಗಿಯುತಿಲ್ಲ ಬರೆಯುವ ದಾಹ 
ಅದೆಂತಹ ಜಾದು ಮಾಡಿದೆಯೋ ನನಗೆ ನಿನ್ನ ಮೋಹ

ವಿಚಿತ್ರ

ನೊಂದ ಮನಸಿಗೆ ಬೇಕಿದೆ ಸೊಂಪಾದ 
ಪ್ರೀತಿ ತುಂಬಿದ ಮನಸಿನ ಸಾಂತ್ವನ 
ನಗುವ ಮನಸಿಗೆ ಬೇಕಿದೆ ಖುಷಿಯಾಗಿ 
ಆಲಿಸುವ ಮನಸಿನ ಮಿಲನ 
ನೋವಿಗೂ ಕೊನೆಯಿಲ್ಲ ನಲಿವಿಗೂ ಕೊನೆಯಿಲ್ಲ  
ಇವೆರಡರ ಮಿಶ್ರಣವಾದ ಜೀವನಕ್ಕೆ ಬೇಕಿದೆ 
ನಿರಾಸೆಯಾಗದೆ ಆಶಾವಾದಿಯಾಗೇ ಇರುವ ಮನಸು 

ಕಾಯುತಿರುವೆ

ಪದಗಳಿರುವ ತನಕ ಕವಿತೆ ಬರೆಯುವೆ ನಿನಗಾಗಿ 
ಧ್ವನಿ ಇರುವ ತನಕ ಹಾಡುವೆ ನಿನ್ನ ಕಿವಿಗಾಗಿ 
ಉಸಿರಿರುವ ತನಕ ಕಾಯುವೆ ನೀ ಬರುವ ಕ್ಷಣಕ್ಕಾಗಿ 
ಕೊನೆತನಕ ನೀ ಬಾರದಿದ್ದರೂ ಚಿಂತೆಯಿಲ್ಲ ನಿನ್ನ ಮನಸಲ್ಲಾದರು 
ಇಟ್ಟುಕೋ ಈ ನವಿರು ಭಾವಗಳ ಸಂಗಮವಾಗಿ ಹರಿಸಿದ 
ಕವನವ ನನ್ನ ಒಲವಿನ  ಉಡುಗೊರೆಯಾಗಿ 

ಭಾವನೆಗೆ ಬಣ್ಣವಿಲ್ಲ 
ಮನಸಿಗೆ ವಾಸನೆ ಇಲ್ಲ 
ಒಲವಿಗೆ ಕಲ್ಪನೆ ಇಲ್ಲ 
ಆದರೂ ಇವೆಲ್ಲವುಗಳ ಮಿಶ್ರಣದಿಂದ 
ಬರೆದ  ಕವಿತೆ ಮಾತ್ರ ಸುವಾಸನೆ 
ಬೀರದೇ ಇರುವುದಿಲ್ಲ 

ನೀನಿರುವ ಕ್ಷಣ

ಹುಣ್ಣಿಮೆಯ ರಾತ್ರಿಯಲಿ ಹೊಳೆಯುವ ಚಂದ್ರನಂತೆ 
ನಿನ್ನ ತೋಳಲ್ಲಿ ನಾ ಇದ್ದಾಗ ನನ್ನ ಮೊಗವು ಮಿನುಗುವುದು 
ನೀ ಹತ್ತಿರ ಬಂದಂತೆ ಕಡಲಿಂದ ಉದಯಿಸುವ ಸೂರ್ಯನಂತೆ 
ಫಳ ಫಳನೆ ಹೊಳೆಯುವುದು ನನ್ನ ಕಂಗಳು 
ನಾ ಇರುವ ಪ್ರತಿಕ್ಷಣ ಬಯಸುತ್ತಿದೆ ಮನವು ನಿನ್ನ ಸನಿಹ 
ನನಗೆಂದಿಗೂ ಬರದಿರಲಿ ನಿನ್ನಿಂದ ದೂರಾಗಿ ಇರುವ ವಿರಹ 

ಪ್ರಾರ್ಥನೆ

ನಗುವ ಮೊದಲು ಮನಸಿಗೆ ಖುಷಿ ಇರುವ ಹಾಗೆ 
ಅಳುವ ಮೊದಲು ಹೃದಯಕ್ಕೆ ನೋವಾಗಿರದೆ ಇರದು 
ನೋವಾದರೂ ನಲಿವಾದರೂ ಹಂಚಿಕೊಳ್ಳೋ ಮನಸು ಸಿಗದಂತ 
ಪರಿಸ್ಥಿತಿ ಯಾರಿಗೂ ಬಾರದಿರಲಿ ಎಂದಷ್ಟೇ ಪ್ರಾರ್ಥನೆ ಓ ದೇವಾ