ನೀ ದೂರಾದ ಆ ಕ್ಷಣದಿಂದ ನಿಲ್ಲುತ್ತಿಲ್ಲ ದುಗುಡ ನನ್ನ ಮನದಲ್ಲಿ
ಬೇಡುವೆನು ನಿನ್ನ ಬೇಗ ಓಡಿ ಬಾ ನನ್ನ ಚಿನ್ನ
ಬಿಟ್ಟಿರಲು ಆಗದು ಈ ಮನಕೆ ನಿನ್ನ
ನಾ ಅತ್ತರೂ ನಕ್ಕರೂ ಇರಬೇಕು ನೀ ನನ್ನ ಜೊತೆ ಸದಾ
ನಾ ಅತ್ತಾಗ ನೋವನು ಹೊರಹಾಕಿದೆ
ಖುಷಿಯಲ್ಲಿದ್ದಾಗ ಸಂತೋಷವ ಹಂಚಿಕೊಂಡೆ
ನನಗಾರು ಇಲ್ಲದೆ ಒಂಟಿಯಾದ ಸಮಯದಲ್ಲಿ
ನೀ ಬಂದು ಸಂತೈಸಿದೆ ಪ್ರೀತಿಸಿದೆ
ನನ್ನ ನೋವೆಲ್ಲಾ ನಿನ್ನದೇ ಎನ್ನುವ ನನ್ನ ಮನವೆಲ್ಲ ಆವರಿಸಿದೆ
ನಿನ್ನ ಎಷ್ಟು ಕೊಂಡಾಡಿದರೂ ಬಣ್ಣಿಸಿದರೂ ಸಾಲದು ಎನಗೆ
ಹೇಗಿದ್ದರೂ ಎಲ್ಲಿದ್ದರೂ ನೀ ಓಡಿ ಬಾ ಓ ಕವನ ಇಲ್ಲಿಗೆ

ಅತೀಯಾಗಿ ಪ್ರೀತಿಸಬೇಡ ಯಾರನ್ನೂ
ಮಾತಾಡಬೇಡ ಏನನ್ನೂ 
ಅರಿತು ಬಾಳು ಬದುಕಿನ ಸತ್ಯವ 
ಭ್ರಮೆಯ ಲೋಕದಿಂದ ಹೊರಬಂದು 

ನಿನ್ನ ಜನ್ಮ ದಿನವೆಂಬ ಈ ಶುಭದಿನ 
ನಾ ಬೇಡುವೆ ನಿನ್ನ ಪ್ರೀತಿ ತುಂಬಿದ ಆಲಿಂಗನ 
ಬಯಸುವೆ ನಾ ನಿನ್ನ ನಗುವ  ಪ್ರತಿಕ್ಷಣ 
ಸಂತಸದ ಈ ಸಮಯ ಬಯಸುತ್ತಿದೆ ನಿನ್ನ ಸನಿಹ 
ಏನೆಂದು ಹಾರೈಸಲಿ ನಾ ನಿನಗೆ ತೋಚುತ್ತಿಲ್ಲ ಎನಗೆ 
ಆ ದೇವರಲಿ ಪ್ರಾರ್ಥಿಸುವೆ ನಿನಗಾಗಿ 
ನೀನು ಸದಾ ಮೀಸಲಾಗಿರಬೇಕು ನನಗಾಗಿ 
ನಿನ್ನ ಬದುಕಲ್ಲಿ ಈ ಕ್ಷಣ ಏನೇ ಇರಲಿ ಆಶಯ 
ನಾ ಹೇಳುವೆ ಇಂದು ನಿನಗೆ ಹುಟ್ಟು ಹಬ್ಬದ ಶುಭಾಷಯ 

ನೆನ್ನೆ ರಭಸವಾಗಿ ಹರಿಯಿತು ಒಂದು ಅಲೆ 
ಅದರ ಹೆಸರು ಮೋದಿ 
ಸಿಗುವುದರಲ್ಲಿದೆ ಭಾರತೀಯರಿಗೆ ನೆಮ್ಮದಿಯ ಜೀವನದ ಸೆಲೆ 
ಕಾರಣ ಶುರುವಾಗಿದೆ ನವವರ್ಷದ ಆದಿ 
ಕೊಚ್ಚಿ ಹೋಯಿತು ಭ್ರಷ್ಟಾಚಾರವೆಂಬ ಕೊಳಚೆನೀರು 
ನಿರೀಕ್ಷೆಯಲ್ಲಿದೆ ಜನತೆ ಹರಿದು ಬರುವುದು ನಿಷ್ಪಕ್ಷಪಾತ 
ನಿಸ್ವಾರ್ಥ ರಾಜಕೀಯ ಎಂಬ ತಿಳಿನೀರು 

ತುಂತುರು ಮಳೆಯ ಹನಿಗಳು ಎಲೆಗಳಿಗೆ ಮುತ್ತಿಡುತ್ತಿವೆ 
ನಿನ್ನ ಪ್ರೇಮದ ಅಲೆಗಳು ನನ್ನ ಮನಸಿಗೆ ತಂಪಿಡುತ್ತಿವೆ 

ಬಿಸಿಲ ಧಗೆಗೆ ಬೆಂದು ಬರಡಾಗಿದ್ದ ಭೂಮಿ ವರುಣನ 
ಕೃಪೆಯಿಂದ ತಂಪಾಗಿ ನಲಿಯುತ್ತಿದೆ 

ನಿರ್ಭಾವುಕ ಜೀವನದಿಂದ ಬಾಡಿದ್ದ ನನ್ನ ಮನ ನಿನ್ನ ಒಲವಿನ 
ಆಸರೆಯಿಂದ ಚಂದದ ಭಾವಗಳ ಕಾರಂಜಿಯಾಗಿ ಚಿಮ್ಮುತ್ತಿದೆ 

ಮಳೆ ಸುರಿದಾಗ ಇಳೆ ನಲಿಯುವ ಹಾಗೆ 
ನಿನ್ನ ನಗು ಚೆಲ್ಲಿದಾಗ ನನ್ನ ಮನ ನಲಿಯುವುದು 

ನಂಬಿಕೆ

ಮನದ  ಮರೆಯಲ್ಲಿ ಅವಿತು ಕುಳಿತಿದೆ ಕತ್ತೆಲೆಯೊಂದು 
ಅದನು ಆಚೆ ಓಡಿಸಲು ಬೇಕೊಂದು ಆತ್ಮವಿಶ್ವಾಸದ ಬೆಳಕು 
ಕತ್ತಲೆ ಕಳೆದು ಬೆಳಕು ಹರಿದರೆ ಅದು ನಿಸರ್ಗ 
ನೋವಿನ ಕಟ್ಟೆ  ಒಡೆದು ಸಂತಸದ ಚಿಲುಮೆ ಚಿಮ್ಮಿದರೆ 
ಆ ಕ್ಷಣ ಆಗುವುದು ಬದುಕೊಂದು ಸ್ವರ್ಗ 
ಬೇಡದ ಜೀವನ ಸಿಕ್ಕಿತೆಂದು ಕೊರಗಬೇಡ 
ಸಿಕ್ಕ ಜೀವನದ ಸುಖವ ಅನುಭವಿಸದೆ ಸಾಯಬೇಡ 
ಜೀವಕ್ಕೂ ಜೀವನಕ್ಕೂ ಬೇಕಾಗಿದೆ ನಂಬಿಕೆಯ ಸೂರು 
ಅದ ಕಳೆದುಕೊಂಡು ಹುಡುಕಬೇಡ ನೆಮ್ಮದಿಯ ಗೂಡು