ಇರುಳ ಕನಸುಗಳೆಲ್ಲ ಹಗಲು ನನಸಾದರೆ 
ರಾತ್ರಿ ಸುರಿವ ಮಳೆಯಿಂದ ಹಗಲು ಭೂಮಿ ತಂಪಾದಂತೆ 
ಆಗಸದಲ್ಲಿ ಗುಡುಗಿನ ಆರ್ಭಟ ಅತೀಯಾದರೆ 
ನಸುಕಿನಲಿ ಬೀಸುವ ತಂಗಾಳಿ ಮನಸಿಗೆ ಹಿತವಾದಂತೆ 
ಭುವಿಯಲಿ ಮಳೆ ಸುರಿದು ನಿಂತ ತಂಪಾದ ಕ್ಷಣ 
ಮನಸಿಗೆ ಅನಿಸುವುದು ಶುರುವಾಗಿದೆ ಸುಂದರ ಸುದಿನ

ಕಣ್ಣಿಂದ ಜಾರಿದ ಹನಿಯೊಂದು ಹೇಳುತಿದೆ 
ಕೊಲ್ಲಬೇಡ ಮನವೇ ನಿನ್ನ ಸುಂದರ ಭಾವಗಳ 
ಸತ್ತಮೇಲು ಬಿಡುವುದಿಲ್ಲ ನಿನ್ನ ನೋವುಗಳ 
ಉಸಿರಾಡುವ ಗೊಂಬೆಯು ನೀನಲ್ಲ 
ನಿನ್ನ ನಂಬಿದ ಜೀವಕೆ ನೀನೆ ಜಗವೆಲ್ಲ 

ಮನಸಾರೆ ಮನಸಿಂದ ಮನದಾಳದಲಿರುವ ಮನಸನು 
ಮನಸಿಗಾಗಿ ಮರೆತು ಹೋಯ್ತು  ಪ್ರೀತಿ 
ಅಂದು ಹೋದ  ಆ ಮನಸು ಮತ್ತೆ ಸಿಗುವುದೋ 
ಇಲ್ಲವೋ  ಎಂದು ಕಾಡುತಿದೆ ಭೀತಿ 

ಬಾಳಿನ ಜ್ಯೋತಿಯು ನೀನಾಗಿ ಬಂದಾಗ  
ನನ್ನೆದೆಯಲ್ಲಿ ಒಲವಿನ ಚಿಲುಮೆಯು ಉಕ್ಕಿ ಹರಿಯುತಿದೆ 
ನೀ ಬಂದ ಘಳಿಗೆ ನನ್ನ ಮೊಗದಲ್ಲಿ ಬರಿ ನಗುವೇ 
ನೀ ಬಳಿಯಿದ್ದ ಸಮಯವೆಲ್ಲ ಸಂತಸದ ಹೊನಲೇ 
ಪ್ರತೀ ಕ್ಷಣ ನನ್ನ ಉಸಿರು ಹೇಳುವುದೊಂದೇ ನಾ ಹೇಗಿದ್ದರೂ 
ಎಲ್ಲಿದ್ದರೂ ನಿನಗಾಗಿ ಬಾಳಬೇಕು ನಿನ್ನ ಮುದ್ದಿನ ಮನದನ್ನೆಯಾಗಿ 

ಬಿತ್ತುವ ಆಸೆಯಾಗಿದೆ ಪ್ರೀತಿಯ ಸಸಿಯ 

ನನ್ನ ಹೃದಯದ ಇಳೆಯಲ್ಲಿ
ಹೇಗೆ ಬರಿಸಲಿ ಆ ಸಸಿಯ ಬೆಳೆಸುವ 

ಒಲವಿನ ಮಳೆಯ
ನನ್ನ ಪ್ರೀತಿ ತುಂಬಿದ ಕಣ್ಣಿನ ಹನಿಗಳು 

ಆಗಿವೆ ಇಂದು ಕಾರ್ಮೋಡ
ಅದು ಕರಗಿ ಮಳೆ ಸುರಿಸುವರಿಗೂ 

ದೂರಾಗದು ನನ್ನ ಮನದ ದುಗುಡ
ಬೇಗನೇ ಸುರಿ ನೀ ಸ್ವಾತಿಮುತ್ತಿನ 

ಹನಿಯಾಗಿ ಹೃದಯದ ಇಳೆಗೆ 
ಶಾಶ್ವತವಾಗಿ ಬೇರೂರಲು 

ನನ್ನ ಪ್ರೀತಿಯ ಸಸಿಗೆ

ಮನಸೆಂಬ ಮಂಟಪವ ಆಸೆಗಳೆಂಬ 
ಹೂವಿಂದ ಅಲಂಕರಿಸಿ 
ಕನಸುಗಳೆಂಬ ಎಣ್ಣೆಯಿಂದ 
ಉತ್ಸಾಹವೆಂಬ ಹಣತೆಯ ಹಚ್ಚಿ 
ಜೀವನವೆಲ್ಲ ದಿವ್ಯ ಜ್ಯೋತಿಯಂತೆ 
ಕಂಗೊಳಿಸುವಂತೆ ಮಾಡು ಓ ಮನುಜ 

ನೀನಿರದ ಹೊತ್ತು ಬಂತೊಂದು ಚಂದಿರನ ಮುತ್ತು 
ನಾಚಿ ನೀರಾದ ಕೆನ್ನೆಯ ತುಂಬೆಲ್ಲ  ನಿನ್ನದೇ ಗತ್ತು 
ಚಿಪ್ಪೊಳಗೆ ಮುಚ್ಚಿಟ್ಟಿದ ಮುತ್ತು ನಾನಾದರೆ 
ಮನಸಿನ ತಂಪು ಕಳವಳವೆಲ್ಲ ದೂರಾಗಿಸಿದ ಬಿಸಿ ಮುತ್ತು ನೀನು 
ಏ ಹುಡುಗ ನೀನಿರದ ಸಮಯವ ನೀನಿರುವೆ 
ಎಂದು ಕಲ್ಪಿಸುತ್ತ ಆಗಸದಲಿ ನಿನ್ನ  ಹುಡುಕುತ್ತಾ 
ಮನ ನೊಂದ ಹೊತ್ತಲ್ಲಿ ಆ ಶಶಿಯ ನೋಡುತ್ತಾ 
ಕುಳಿತಿರುವೆ  ನೀ ಬರುವ ದಾರಿಯ ಕಾಯುತ್ತಾ