ಭಾವಗೀತೆ

ನಾ ವೀಣೆಯಾದರೆ ನೀ ನನ್ನ ನುಡಿಸುವ ವೈಣಿಕ 
ನನ್ನೆದೆಯ ಭಾವಗಳೆಲ್ಲ ತಂತಿಗಳಾದರೆ 
ಅವುಗಳ ನುಡಿಸುವ ಬೆರಳುಗಳು ನೀನೆ 
ತಾಳಕ್ಕೆ ತಕ್ಕಂತೆ ತಂತಿ ನುಡಿಸುವ ಹಾಗೆ 
ನನ್ನ ಭಾವಕ್ಕೆ ತಕ್ಕಂತೆ ನಿನ್ನ ಮನವು ಸ್ಪಂದಿಸಿದರೆ 
ನಮ್ಮಿಬ್ಬರ ಜೀವನ ಸುಂದರ ಭಾವಗೀತೆಯಾದಂತೆ 

ಶುಭೋದಯ

ಚಂದದ ಮನೆಯ ಅಂಗಳದಲ್ಲಿ ಮುದ್ದಾದ 
ರಂಗೋಲಿಯ ಬಿಡಿಸುತ್ತಾ  
ಇಬ್ಬನಿಯ ಹನಿಗಳಿಂದ ಅಲಂಕೃತಗೊಂಡ 
ಹೂಗಳ ಬಿಡಿಸುತ್ತಾ 
ಬಂಗಾರದ ನೀರನ್ನು ಆಗಸದಲ್ಲಿ ಸುರಿಸಿದ 
ನೇಸರನ ಪೂಜಿಸುತ್ತಾ 
ಅರುಣೋದಯವನ್ನು ಆಸ್ವಾದಿಸುತ್ತಾ 
ಹೇಳಬಯಸುತ್ತಿದೆ ಈ ಮನಸು ಶುಭೋದಯ 

ಕ್ಷೀರ

********************************
ಈ ಪುಟ್ಟ ಮನಸಿನಲಿ  ಕನಸಿನ 
ಅರಮನೆಯೊಂದ ಕಟ್ಟಿರುವೆ 
ಅಲ್ಲಿ ನಿನ್ನ ಒಲವೆಂಬ ಕ್ಷೀರ ಸಾಗರವನ್ನು 
ಹೊರ ಹರಿಯದಂತೆ ಬಚ್ಚಿಟ್ಟಿರುವೆ 
ಆ ಅರಮನೆಯ ಹೊರಗೆ ಹಾಲು ಹರಿದ ಕ್ಷಣ 
ನನ್ನ ತನುವ ಬಿಟ್ಟು ಹಾರುವುದು  ಪ್ರಾಣ 

ಮಣ್ಣಿನ ಋಣ

ಹುಟ್ಟಿದ  ಪ್ರತೀ ಜೀವಿಗೂ ಹಸಿವ ನೀಗುವೆ ನೀನು 
ಮರಣ ಹೊಂದಿದ ಪ್ರತೀ ಜೀವವನ್ನು 
ತನ್ನೊಡಲಲ್ಲಿ ಹಾಕಿಕೊಲ್ಲುವೆ ನೀನು 
ಉಸಿರಾಡುವ ಪ್ರತೀ ಅಣುವಿನಲ್ಲೂ ಬೆರೆತಿರುವೆ ನೀನು 
ನೀನಿದ್ದರೆ ನಾವು ನೀನಿಲ್ಲದಿದ್ದರೆ ನಮಗೆ ಸಾವು 
ಏನು ಮಾಡಿದರೂ ತೀರಿಸಲಾಗದು ನಿನ್ನ ಋಣ 
ಅದುವೇ ಅಲ್ಲವೇ  ಈ ಮಣ್ಣಿನ ಗುಣ 

ಸೊಬಗು

ನೇಸರನ ಕಿರಣಗಳು ಇಳೆಗೆ ಮುತ್ತಿಡುವ ಮುನ್ನ 
ಎಲೆಗಳ ಮೇಲಿನ ಇಬ್ಬನಿಯ ಹನಿಗಳು ಜಾರುವ ಮುನ್ನ 
ಹೂವುಗಳು ನವಿರಾಗಿ ಅರಳುವ ಸಮಯವು ಮುಗಿಯುವ ಮುನ್ನ 
ಮಂಜು ಮಂಜಾಗಿ ಹರಡಿರುವ ಸುಂದರ ಮುಂಜಾವಿನ 
ಸೊಬಗನು ಮೌನವಾಗಿಯೇ ಸವಿಯುವ ಬಯಕೆ ಈ ಮನಕೆ 

ಸ್ನೇಹ ಬಂಧನ

ಓ ನನ್ನ ಗೆಳತಿ ನೀನಿದ್ದರೆ ನನ್ನ ಸನಿಹ

ಎಂದಿಗೂ ಕಾಡದು ಜೀವನದಲ್ಲಿ ಒಂಟಿತನ 

ನೀ ಖುಷಿಯಾಗಿದ್ದರೆ ನನ್ನ ಮನದಲ್ಲಿ

ಹರಿಯುವುದು ಸಂತಸದ ಹೊನಲು 

ನಿನ್ನ ಮೊಗದಲ್ಲಿ ಸಣ್ಣ ನೋವು 

ಕಂಡರೂ ನನಗಾಗುವುದು ದಿಗಿಲು 

ನನ್ನ ಈ ನಿನ್ನ ಸ್ನೇಹ ತೋರಿಕೆಯ ಬಂಧನವಲ್ಲ 

ಎಂದೂ ಬಿಡಿಸಲಾಗದ ಪವಿತ್ರ ಅನುಬಂಧ 

ಯಾರೋ....???

ನವಿಲಿನ ಗರಿಗೆ ಬಣ್ಣವ ಹಚ್ಚಿದ ಕೈ ಯಾವುದೋ 
ಅಳಿಲಿನ ಬೆನ್ನಿಗೆ ಗೆರೆಯ ಎಳೆದವರ್ಯಾರೋ
ಕೋಗಿಲೆಗೆ  ಇಂಪಾದ ಕಂಠವ ಕೊಟ್ಟವರ್ಯಾರೋ 
ಕಣ್ಣಿಗೆ ಕಾಣದ ಮನಸಲ್ಲಿ ಬಣ್ಣ ಬಣ್ಣದ  ಭಾವನೆಗಳ ಬಿತ್ತುವರ್ಯಾರೋ
ಈ ಯಾರೋ ಅನ್ನೋ ಪ್ರಶ್ನೆಗೆ ಉತ್ತವರಿಸುವರ್ಯಾರೋ... ?????