ಬದುಕೊಂದು ಯುದ್ಧ

ಬಾರದ ಭಾವನೆಗಳ ಬರಿಸಿ ಬದುಕುವುದು 
ಬಾಣಗಳಿಲ್ಲದ ಬತ್ತಳಿಕೆಯೊಂದಿಗೆ 
ಯುದ್ಧಭೂಮಿಗೆ ಇಳಿದಂತೆ 

ಭರವಸೆ

ಏರು ಇಳುವಿನ ಬಾಳಲಿ 
ಬರೀ ನೋವನ್ನೇ ಹೇಗೆ ತಾಳಲಿ 
ಶ್ರದ್ಧೆ ಶ್ರಮದಿ ಸಾಗಿದರೆ ನಲಿವಿನ ದಾರಿಯ 
ದೂರ ಮಾಡುವವರು ಯಾರಿಲ್ಲಿ 

ತೇರು

ನೀನೊಂದು ಊರು ನಾನೊಂದು ಊರು 
ಆದರೇನು ಇಲ್ಲವೆ ನಮಗೆ ಪ್ರೀತಿಯ ಸೂರು 
ಅದರಡಿಯಲ್ಲಿ ನಿಂತು ಎಳೆಯೋಣ 
ನಮ್ಮಿಬ್ಬರ ಒಲವಿನ ತೇರು 

ಮಳೆ

ನೀನಿಟ್ಟ ಮುತ್ತಿನ ಹನಿಯೊಂದು ಉದುರಿ ಹೃದಯವೆಂಬ 
ಹಸಿರೆಲೆಯ ತುಂಬಾ ಒಲವಿನ ಮಳೆಯಾಗಿದೆ 

ಬಿತ್ತನೆ

ನೀ ಬಿಟ್ಟಿದೆ ಪ್ರೀತಿಯ ಬೀಜ 
ನನ್ನ ಹೃದಾಯ್ದ ಇಳೆಯಲ್ಲಿ ಅಂದು 
ಮೊಳಕೆಯೊಡೆದು ಒಲವಿನ ಹೂದೊಟವಾಗಿ 
ಆಗಸದಿ ಚಾಚಿದೆ ಇಂದು 

ಕಾಮನಬಿಲ್ಲು

ನೀ ಬರೆದ ಕಾಮನಬಿಲ್ಲ ನನ್ನೆದೆಯ ಬಾಂದಳದಿ 
ಕಾದಿರುವೆ ನಾ ಬಿಡಿಸಲು ರಂಗೋಲಿಯ 
ನಿನ್ನ ಮನೆಯ ಅಂಗಳದಿ 

ನೋವು

ಮಾತಿನಲಿ ಹೇಳಲಾಗದ ನೋವ ಮೌನ ನುಂಗಿದರೆ 
ಈಡೇರದ ಆಸೆಗಳ ನಿರಾಸೆ ನುಂಗುವುದು