ಶುಭೋದಯ

ಮುತ್ತಂತೆ ಉದುರುತ್ತಿವೆ ಮುಂಜಾನೆ ಹನಿಗಳು 
ಸುಂದರವಾಗಿ ಕಾಣುತ್ತಿವೆ ಹಸಿರೆಲೆಗಳು 
ಆಗಸದಲಿ ಹರಿದಿದೆ ಉದಯನ ಚಿನ್ನದ ನೀರು 
ಇಬ್ಬನಿಯ ಅಂದ ಸೂರ್ಯನ ಕಿರಣಗಳ ಚಂದ 
ಜೊತೆಗೆ ನೆಮ್ಮದಿಯಾಗಿ ಮಾಡಿ  ದೇವರ ಪ್ರಾರ್ಥನೆಯ 
ಸುಂದರ ಮುಂಜಾನೆಯ ಸೊಬಗಲಿ ಸುಂದರ ಮುಗುಳ್ನಗೆಯ 
ಜೊತೆಯಲ್ಲಿ ಎಳೆಯೋಣ ಬದುಕಿನ ರಥವ 

ಜೀವನದ ಜೋಕಾಲಿ

ಕೋಗಿಲೆಯಾಗಿ ನೀ ಹಾಡಿದರೆ 

ನವಿಲಾಗಿ ನಾನು ಕುಣಿಯುವೆ 

ಆಗಸದಲ್ಲಿ ಕವಿದಿರುವ ಕಪ್ಪು ಮೋಡ ನೀನಾದರೆ 

ಅದನ್ನು ಕರಗಿಸಿ ಹನಿಯಾಗಿಸುವ ಕಿರಣ ನಾನಾಗುವೆ 

ನನ್ನ ಉಸಿರಾಡುವ ಪ್ರತಿ ಕ್ಷಣ 

ಜಪಿಸುವುದು ನಿನ್ನ ಹೆಸರಿನ ಮಂತ್ರ 

ನೀನಿರುವ ಕ್ಷಣವೆಲ್ಲ ಜೇನಂತೆ ಸವಿ 

ದೂರಾದ ಸಮಯ ಬೇವಿನಂತೆ ಕಹಿ 

ಹೂವಾದ ಆಸೆಯೆಲ್ಲಾ ಮುಳ್ಳಾಗಿಸದೆ 

ನವಿರಾದ ಹೊಂಗನಸ ಮಾಡಿ ಸವಿಯೋಣ

ಕಟ್ಟಿದ ಕನಸನ್ನು ನನಸಾಗಿಸಿ ಜೀವನವೆಂಬ 

ಜೋಕಾಲಿಯಲ್ಲಿ ಇಬ್ಬರೂ ಸೇರಿ ಜೀಕೋಣ 

ಪ್ರಕೃತಿ ಮತ್ತು ಮನಸು

ಮುಗಿಲಿಗೂ ಕಡಲಿಗೂ ಎಲ್ಲೆ ಎಲ್ಲಿದೆ 

ಎತ್ತ ನೋಡಿದರೂ ನೀಲಿ ನೀಲಿ 

ಮನಸೂ ಒಂಥರ ಮುಗಿಲಂತೆ 

ತನ್ನಿಷ್ಟದಂತೆ ಹರಿಯುವುದು ಕಡಲಂತೆ 

ಪ್ರಕೃತಿಗೂ ಮನಸಿಗೂ ಹೇಳತೀರದ ಅನುಬಂಧ 

ಇರಬೇಕು  ಇಬ್ಬರ ನಡುವೆ ಸದಾ ಸವಿಬಂಧ 

ನಿಸರ್ಗದ ನರ್ತನವ ಅರ್ಥೈಸಿಕೊಂಡರೆ 

ಸಿಗುವುದು ಮನುಜನ ಮನಸಿಗೆ ಸಾಂತ್ವನ 

ಪ್ರಕೃತಿಯ ಪ್ರೀತಿಗೆ ಪಾತ್ರರಾದರೆ ಈ ಜೀವನ ಸುಂದರ 

ವಿಕೋಪಕ್ಕೆ ತುತ್ತಾದರೆ ಆಗುವುದು ಬದುಕು ಹರೋಹರ 

ದೂರ ಹೋಗದಿರು

ನೀನಿರದ ಬಾಳು ಊಹಿಸಲು ಆಗುತ್ತಿಲ್ಲ 

ಎಲ್ಲಿ ನೋಡಿದರೂ ಕಾಣುತ್ತಿರುವೆ ನೀನೆ ಎಲ್ಲ 

ಅಂದುಕೊಂಡ ಹಾಗೆ ಏನು ಆಗದು 

ಆಗುತ್ತಿರುವುದು ಏನು ಎಂದು ನನಗೆ ತಿಳಿಯದು 

ಈ ಜಗದಲ್ಲಿ ನನಗೆಂದು ಯಾರೂ ಇಲ್ಲ 

ಇದ್ದ ನೀನೊಬ್ಬನೇ ನನಗೆಲ್ಲ 

ಹೇಳದೆ ನನ್ನ ಬದುಕನ್ನು ಪ್ರವೇಶಿಸಿದೆ 

ಕೇಳದೆ ಮಾತ್ರ ದೂರ ಹೋಗಬೇಡ 

ಆಗದು ನನಗೆ ನಿನ್ನ ಅಗಲಿ ಇರಲು 

ಬೇಕೆನಗೆ ಕೊನೆವರೆಗೂ ನಿನ್ನ ಪ್ರೀತಿಯ ಸೂರು 

ನಿನ್ನ ನೆನಪಿನ ರಂಗೋಲಿಯೇ ಹರಿಯುತ್ತಿದೆ ಎದೆಯಲ್ಲಿ 

ಅದಕ್ಕೆ ಬಣ್ಣಗಳಿಂದ ಅಲಂಕರಿಸುವೆಯ ನಿನ್ನ ಕೈಯಲ್ಲಿ  

ನೆನಪುಗಳ ಮಾಯೆ

ನೆನಪುಗಳು ಹೀಗೇಕೆ 

ಬೇಡವೆಂದರೂ ಬಂದು ಕಾಡುವುದು 

ಬೇಕಾದಾಗ ಬಾರದೆ ಹೋಗುವುದು 

ಮೆದುಳಿಗೆ ಬೇಕಾದ ನೆನಪು 

ಮನಸಲ್ಲಿ ಅಳಿಯುವುದು 

ಮನಸಿಗೆ ಬೇಡವಾದ ನೆನಪು 

ತಲೆಯಲ್ಲಿಯೇ ಕೊರಿಯುವುದು 

ಕಿತ್ತು ಎಸೆಯಬೇಕಾದ ನೆನಪಿಗೆ 

ಇರುವ ಶಕ್ತಿ ಬೇಕಾದ ನೆನಪಿಗೆ ಏಕಿಲ್ಲ 

ಬದುಕೆಂದರೆ ಸಿಹಿ ಕಹಿ ನೆನಪುಗಳ ಮಿಶ್ರಣ 

ಆಗದಿರಿ ನೆನಪುಗಳಿಂದ ತಲ್ಲಣ 

ಓಡಿಸೋಣ ಕಹಿನೆನಪುಗಳನು ದೂರ 

ಕಟ್ಟೋಣ  ಸಿಹಿನೆನಪುಗಳ ಹಾರ 

ನೆರಳು

ನೀ ಉರಿಯುವ ಬೆಂಕಿಯಾದರೆ 

ನಾ ಅದನು ತಣಿಸುವ ನೀರಾಗುವೆ 

ನೀ ಹರಿಯುವ ಕಡಲಾದರೆ 

ನಾ  ನಿನ್ನ ಸೇರುವ ನದಿಯಾಗುವೆ 

ನೀ ಫಲ ಕೊಡುವ ಧರೆಯಾದರೆ 

ನಾ ಸುರಿಯುವ ಮಳೆಯಾಗುವೆ 

ನೀ  ಹೇಗೆ ಇರು ಎಲ್ಲೇ ಇರು 

ಯಾವುದೇ ರೂಪದಲ್ಲಿದ್ದರೂ 

ನಾ ಸದಾ ನಿನ್ನ ಬೆಂಬಿಡದೆ ಕಾಯುವ 

ನೆರಳಾಗಿರುವೆ                     

ಮೌನ

ನೀ ಮೌನಿಯಾದರೆ ನಾ 
ಮರೆತುಬಿಡುವೆ ನನ್ನ ದನಿಯ 
ಕೊಲ್ಲದಿರು ನೀ ನನ್ನ ಮೌನದಲಿ 
ಕೋಪವಿದ್ದರೆ ಬೈದುಬಿಡು ನಿನ್ನ ದನಿಯಲ್ಲಿ

ಮೌನವಾಗಿರುವುದು ಚಂದವೆಂದು 
ತಿಳಿದು ಸುಮ್ಮನಿದ್ದೆ ನಾ ಅಂದು 
ಆದರೆ ಒಲವಿನ ಹುಡುಗ ಮೌನವಾದರೆ 
ಏನಾಗುವುದೆಂಬ ಅರಿವು ನನಗಾಯಿತು ಇಂದು 

ಭಾವನೆಯನ್ನೇ ಬಂಡವಾಳವನ್ನಾಗಿಸಿ 
ಬದುಕುತಿರುವೆ ನಾ ಪ್ರತಿಕ್ಷಣ 
ಎಂದಾದರೂ ಒಂದು ದಿನ ತಿಳಿಯುವೆಯ 
ನೀ ನನ್ನ ಮನಸಿನ ತಲ್ಲಣ 

ಬಳಿ ನೀ ಇದ್ದಾಗ ಹರಿಯುತ್ತಿತ್ತು 
ಚಂದದ ಪ್ರೀತಿಯ ಭಾವ 
ನೀ ದೂರಾದ ಕ್ಷಣದಿಂದ ಎಲ್ಲೇ 
ಮೀರಿ ಹರಿಯುತಿದೆ ವಿರಹದ ರಾಗ 

ಮನಬಿಚ್ಚಿ ಹೇಳುವೆ ಕಡೆಯ ಮಾತು ನಿನಗೆ 
ಈಗಲೇ ನೆನೆಪಿಸುಕೋ ನನ್ನ 
ಈ ಜಗವ ಬಿಟ್ಟು ಹೋಗುವ ಮುನ್ನ 
ನೀ ನೆನೆದರೆ ಎನ್ನ ಈ ಜೀವನ ಧನ್ಯ